Tagged: 1563

0

【率先嘆!音樂美食盛宴】1563 At The East

每個人心中都有屬於自己有意義嘅事物,可能係一件物件或者一件事。而對有些人來說,「1563」呢幾個數字,就別具意義。音樂人或者略懂音樂嘅人都知道呢個數字係廣東歌經常用的和弦進程(chord progression),而呢個和弦,將喺八月二號分享俾更多人去感受,以音樂展演空間 (live house)及餐廳集於一身嘅1563 At The East就喺灣仔合和中心,一於率先感受下果種氛圍啦! 全新Live House即將同大家見面囉!面積6000呎,可容納200-300人,以本地音樂文化爲主題,俾顧客可以重拾對廣東歌嘅熱情。除此之外,每晚都有唔同風格嘅演出,快啲計劃你下一個節目啦! 睇Live Show點可以無小食,雞翼更係必配。避風塘雞翼(HKD108)面層加上黃金蒜粒更加有避風塘風味,外表香脆内裏嫩滑。 望落以爲係咸水角,原來係神戶和牛咖喱炸包(HKD78),一分爲二明顯見到内餡多,採用日本九洲神戶和牛細緻烹飪而成,鐘意食煎炸物嘅可以試下。 哇!連刺身都有?!基本三文魚、海膽、甜蝦都有齊。1563季節刺身盛合(HKD398)三文魚油脂分佈均勻,海膽更係入口即溶,超級甜,確實新鮮。 帶子刺身三文魚伴青檸芥末柚子沙沙汁(HKD168)名長就係唔同啲,估唔到一啖食哂係咁夾嫁! 生蠔拼盤(HKD208)一啲都唔馬虎,全部都係法國進口,礦物味較濃,肉身好爽口,入口鮮甜。配上特製酸辣醬配青瓜芒果蓉真係舐舐脷! 酒鬼醬慢燒肋骨(HKD358),呢個係二人分量黎架。配醬來頭唔細,係小麥啤酒釀製而成。 特別的辣子雞(HKD128)以爲好辣,其實就唔會。雞塊大得黎又少骨。辣椒香味不停散發出來。 辣子雞既辣椒食完之後會收返去廚房用大火炒,然後將新鮮整好既辣椒粉入樽,俾你免費帶走!認真貼心。 認真講句,食物水準超乎地高!黎呢度jam歌gathering確係一流!另外,每晚都有不同類型音樂帶俾大家,可以上@1563attheeast 了解詳情,約埋三五知己一齊去感受下啦!提提大家,新開張有優惠活動,食第二份Lunch半價(只限堂食),晚餐都有九折優惠架! 1563 At The East  星期日至三: 11:30-00:00 星期四至六: 11:30-03:00 地址:灣仔皇后大道東 183 號合和中心 6 樓 電話號碼:2323 2538