Tagged: #

0

【7大茶記小菜王 咕嚕肉鈉含量最低!】懶健康貼士

去茶記食小菜可以話係香港飲食文化之一,就算幾多新花款都好,總有啲菜色係必點系列,不過邊樣高鈉啲你又知唔知呢?平時坐Office又少運動的話又可以攝取幾多鈉呢?睇吓呢張圖啦: 小菜王鈉含量排行榜 第7位:菠蘿咕嚕肉 每100克鈉含量約240毫克,雖然未到低鈉水平,但係呢個菜色本身味道偏酸甜,反而要留意食太多會變咗食高糖食物。 第6位:中式牛柳 每100克鈉含量約340毫克,同樣都係味道偏酸甜,而呢款菜算多汁,小心沾咗太多醬汁撈飯,唔覺意就攝取得多鈉㗎喇。 第5位:魚香茄子煲 每100克鈉含量約370毫克,數字上好似同中式牛柳差唔多,但愈高排名嘅菜色,味道開始轉向重口味。有啲餐廳整魚香茄子煲真係幾鹹吓,加上茄子好吸油,都係少食多滋味。 第4位:蝦仁炒蛋 每100克鈉含量約440毫克,一直以為呢款菜色清淡啲,但蝦同蛋本身冇咩味,所以餐廳會落多啲調味料先令食客覺得滋味囉。 第3位:欖菜肉鬆四季豆 每100克鈉含量約450毫克,欖菜本身偏鹹,加上多油炒爆炒會令四季豆色水靚啲,口感爽啲,所以都會令鈉同油偏高。好彩四季豆熱量較低,可以平衡返啲。 第2位:粟米魚塊 每100克鈉含量約460毫克,雖然數字同欖菜肉鬆四季豆、蝦仁炒蛋差唔多,但超級多人都鍾意食粟米魚塊嘅時候用汁撈飯,近乎清晒汁,食得多真係堅出事。 第1位:鹹蛋蒸肉餅 每100克鈉含量約530毫克,非常接近高鈉水平。唔好話茶記,喺屋企煮都食唔少。100克鹹鴨蛋嘅鈉含量可以高達1632毫克,如果餐廳真係俾足料,呢個餸一定唔只530毫克喇。

0

【連皮都甜 4大爆汁提子襲港】果臨門Frutodor

生果都可以愈食愈刁鑽?如果提子除咗甜味仲有唔同口感,你又知唔知?下面為大家介紹4款唔同甜美又爽口爆汁嘅美國提子,俾大家多個選擇啦。 棉花糖味提子(HKD85/2LBs包,由果臨門送貨HKD110/包;HKD750/8包) 甜度:★★★☆☆ 唔好以為3星就唔係好甜,因為佢只係呢4款裡面最輕量級,仲好似棉花糖咁甜。 爆汁:★★★★★ 青提圓碌碌成個五蚊咁大粒,啲肉極爽口。 MoonDrops提子(HKD70/2.25LBs包,由果臨門送貨HKD90/包;HKD660/8包) 甜度:★★★☆☆ 佢同棉花糖味提子差唔多甜,唔想太甜嘅都接受到。 爆汁:★★★★☆ 質地最實淨係呢款,有啲啲啫喱feel。皮都好爽,一咬就分開皮肉。 GumDrops提子(只接受預購,由果臨門送貨HKD125/2LBs包;HKD860/8包) 甜度:★★★★★ 甜中之王非佢莫屬,食一粒都好似食咗一包橡皮糖咁,無甜不歡嘅朋友一定係食呢款。 爆汁:★★★☆☆ 因為size細細粒(一至五毫子咁大),儲水量同青提難啲比,不過一樣好juicy。 Pink Honey(HKD90/2LBs盒,由果臨門送貨HKD123/盒;HKD990/9盒) 甜度:★★★★☆ 一粒似一茶匙蜜糖食落肚咁,都幾潤喉。 爆汁:★★★☆☆ Size同juicy程度同GumDrops提子差唔多,但係小編收到風新一批貨要遲啲先到,因為農場要等提子嘅甜度夠先可以收割呀,想買就快手或預訂下一批貨喇。 小提醒:提子價格會因應每次來貨價而調整,訂貨前記得問清楚喇。   果臨門Frutodor 電話:2761 1100 售賣地址:佐敦裕華國貨地庫良心果農Corner