Tagged: alldaybreakfast

0

【日系美食童話 任你訂製精緻蛋糕全手作】Fairy Tale Cafe

童話故事結局總係美好,雖然主角經歷重重波折,但係到最後都會憑住個人努力、愛同信念,得到成功或者幸福嘅結局。成長之後人往往只顧住打拼,偶爾都會迷失,想好好休息一下,回憶起當初嘅純粹同本心。Fairy Tale Cafe係一個好好嘅地方比大家休息一下,享受一個豐盛童話。 小店主色調係以白色同Tiffany Blue為主,室內光線自然,裝潢簡約但不失講究。店內氛圍係咪有啲日系小巧、精緻、細膩又帶點可愛嘅感覺呢?因為餐廳主廚跟隨過日本師傅學習,受過日本飲食文化薰陶,所以滲出淡淡日系感覺,裝潢同食物睇落都幾靚㗎!雖然帶有日系元素,但餐廳都無忘記本源,好多細節都好別出心裁為香港人而設,等小編同你一一介紹! 店主喺大埔開店專賣自家製蛋糕不設座位,但係經營落嚟,佢好希望客人可以有個舒服嘅環境,坐低慢慢享受蛋糕同咖啡,於是喺度開店。Fairy Tale Cafe呢個名都係想每個人嚟到都好開心滿足,就好似走入童話世界咁! All Day Breakfast B(HKD68)首先講講長條形,外形好似手指餅嘅窩夫。睇落好得意,粉漿係自家製,食落唔止脆卜卜,長條形仲更加啱女仔口形,入口亦好綿密好香!另外配搭嘅蜜糖係荔枝蜜,味道清香,同窩夫配搭起嚟唔膩又香甜。香腸用嘅係日式香草豬肉腸同德國龍堡腸;沙律用嘅係有證書嘅本地水耕菜,每日都新鮮挑選,唔止確保到新鮮好味,仲可以推動本地農業!黑醋選用無花果醋,薯蓉係由新鮮薯仔製成,質感細膩又豐富。炒蛋綿密,而烤蕃茄好新鮮多汁。成個餐都感受到餐廳嘅用心! 餐廳特別炮製冬蔭功烤雞翼(HKD42),先用自家調製嘅冬蔭功醬汁醃一整晚,醬汁包含十種香料,例如辣椒、香茅、檸檬葉等等,質地比起一般飲用嘅冬蔭功湯更為杰身濃厚,務求雞翼入口時更惹味。雞翼表層帶有少量香草,入口冬蔭功嘅濃香四溢,就連雞肉都滲出陣陣冬蔭功香濃味道,雖然味道香濃但係唔辣!入口雞皮仲唔會黏稠,雞翼迷一定要試試! 香脆軟殼蟹漢堡(HKD70)平時食軟殼蟹離不開都係手卷、軟殼蟹卷,估唔到漢堡都可以好夾!軟殼蟹炸得好香脆,配上佢嘅絕配沙律醬同蟹籽,增添美味幼滑同口感。漢堡嘅麵包烤得剛剛好,帶有輕輕脆感。裡面仲夾有新鮮嘅生菜同蕃茄,多汁爽口。整個漢堡集合嫩滑、香脆、清爽於一身! 餐廳所有蛋糕都係自家製,款款都好吸引!包括72%特濃朱古力(HKD38)。自家製嘅朱古力蛋糕,入口質感細膩,朱古力味道濃郁,比起一般朱古力蛋糕入口質感更幼滑,喺口腔溶化嘅時候仲好香醇。上面嘅生果好新鮮,賣相好精美!小編差啲睇到唔捨得食呀! 唔講你可能唔知,佢地全部野食都係即叫即製,確保熱辣辣送上!就連House coffee(HKD28/熱)都係即磨,夠晒心思!嚟到記得要預返少少時間耐心等候呀! Fairy Tale Cafe 地址:大埔仁興街2號地舖 電話:2653 0123

0

【花盡心思零味精 花園街寫意咖啡店】Home Kitchen

香港人生活節奏急速,工作繁忙,平日假期都少機會返到屋企食飯。位於太子嘅Home Kitchen,真係一如其名,帶比大家「家」嘅感覺,好似放工之後返到屋企食住家飯一樣。大家享受美食之餘,都可以感覺到喺家裡嘅溫暖。 餐廳裡充滿溫暖洋溢嘅感覺。其中入口處嘅一個小角落,擺放兩個座位,可以讓兩個人喺一個獨處嘅空間,享受一個寧靜嘅時光。 餐廳標榜食物完全唔落味精,無添加防腐劑。呢個經典英式早餐(HKD85) 英式早餐的食物包括香腸、煙肉、炒蛋、焗豆、薯餅、蘑菇、和多士配牛油,典型的英式早餐。煙肉同香腸煎得十分脆口。炒蛋十分嫩滑 ,依三種永遠都係惹味早餐絕配。之後再配上感覺輕盈嘅焗豆同蘑菇,食完都唔會有任何負擔。最後再以薯餅同多士作結,食完已經十分滿足。 松露雜菌忌廉汁意粉(HKD108)松露味道非常香濃,忌廉汁唔會過於黏稠,甜甜香香好易入口,啱晒平時好少食素嘅朋友。 醬烤BB豬肋骨配炸薯條(HKD178)餐廳自家調配醃料,食落好惹味。豬肋骨唔韌好易切,亦唔會痴牙。配埋超香脆厚肉薯條,更加滿足! Caffe Mocha (HKD51/凍) 咖啡以朱古力醬做底,最上層再加上鮮忌廉,香滑嘅口感並且帶點甜味,係鐘意甜味嘅人嘅最佳選擇。 Caffe Latte (HKD45)Home Kitchen主打咖啡,咖啡味道濃厚,有多種口味選擇,啱晒一班鍾意飲咖啡嘅朋友,個拉花仲拉得好靚添!加上餐廳氣氛非常好,細細品嚐,又一個寫意下午。 Home Kitchen 地址:太子花園街233-235號 電話:2391 6208 營業時間:星期一至六:11:30-23:00 星期日:11:30-22:00

0

【工廈綠田園 享受法式慢煮精緻餐點】圓點工房 Canapes Room

香港寸金尺土,年輕人想創業非常艱難。位於火炭工業區嘅Canapes Room西餐廳,老闆係位90後,佢嘅行動證明俾大家睇,天下無難事,只怕有心人。餐廳主要供應全日早餐、意粉及法式甜點。老闆為帶俾大家更多唔同口味嘗試,食物方面會不定期有唔同創意新菜推出。 白光管搭配灰色牆裝潢,加上綠色人造花卉作佈置,感覺就好似係田園裏面,簡約又舒適。餐廳佔地約3,000呎,最多可容納100人,座位相對較多。提提大家,餐廳暫不設晚市,午市套餐主題每月更新一次,下午茶時段則推出各款小食,心思思想去就記得日頭去啦。 除咗Afternoon tea係女仔摯愛,All-Day Breakfast(HKD98)同樣無法抗拒,炒蛋、煙肉、香腸、火腿、沙律、茄汁豆、烘多士,咁多食物集齊於一身,見到都流曬口水啦。炒蛋好順滑,令人不禁一口接一口。沙律配上黑醋好開胃,而且蔬菜非常新鮮、清脆可口。 香脆德國鹹豬手配甜椒汁(HKD72)豬手外皮焗得香脆爽口,肉質嫩滑又煙韌,非常有咬感,再配上少量酸菜同炒洋蔥更惹味。豬手本身鹹度適中,沾埋甜椒汁,入口椒味即散發滿腔,再後慢慢回甘。另外仲有配菜薯角,份量夠大。抵食! 62°C 溫泉蛋卡邦尼意大利麵(HKD62)用 62°C 水溫慢煮雞蛋 3 個鐘,形成溫泉蛋質地同豆腐花相似,蛋黃口感香濃滑糯,蛋白如絲般柔軟。忌廉量度適中令意粉唔會太膩,反而藉著溫泉蛋嘅蛋汁混合意粉更入味,意粉有少少彈牙質感。入口喺舌尖上輕輕化開,醇厚之中帶著綿綿不絕嘅輕盈更細膩綿密。       圓點工房 Canapes Room  地址:火炭山尾街31-41號華樂工業中心AB座3樓23-26室 電話:3749 3873 營業時間:星期一至六: 08:00-17:30 星期日: 休息

0

【相機必食!美顏雜莓奶凍】The Pudding Nouveau

大坑就好似銅鑼灣嘅後花園咁,當你行到攰一攰或者想嘆返餐特色悠閒美食,去大坑就最好不過。小編最近發現法式小店The Pudding Nouveau,除咗食物靚又有水準,食物款式仲好特別,大家入開大坑覓食一定要去埋睇下! 見到呢款法式油浸鴨腿配窩夫(HKD158)配搭係咪好新穎呢?小編估唔到鴨腿會配埋窩夫一齊,仲幾夾添!一開始熱辣辣咁上檯已經好香噴噴,鴨脾刻意用咗先焗後炸嘅製法,先鎖住肉汁,再炸令鴨皮香脆金黃,每一啖都有脆卜卜嘅外皮之餘有嫩滑嘅肉入口,真係好高享受呀!窩夫質感鬆化,帶點香脆,如果想甜啲可以蘸上蜜糖。外脆內軟又多汁嘅鴨腿同窩夫真係意想不到嘅配合!點完蜜糖嘅窩夫,甜味剛剛好中和鴨腿嘅濃味,食完個口仲留有陣陣甜香。 鴨腿上面嘅太陽蛋固然可以分開食,但係混和鴨腿食先係更高層次嘅享受!太陽蛋嘅蛋汁混和嫩滑鴨肉,口感更柔滑,味道更融和。而且蛋白部分都好白淨嫩滑,食落去嘅時候喺脆皮鴨香嫩肉之中更添一分滑溜。 甜品都一樣好出色㗎!原本小編點咗個雜莓奶凍(HKD62),睇個名以為平平無奇,原來賣相好精美。上面除咗有一條朱古力卷卷之外仲有一球雪糕,雪糕溶咗會無咁靚㗎,記得一嚟到就要把握時間相機食先!味道方面,士多啤梨非常新鮮實肉又爽甜,同酸酸甜甜雪糕配埋真係好夾。底層嘅奶凍十分嫩滑,唔算好甜,入口好滑,鍾意食奶凍嘅朋友唔好錯過呀! 芒果流心炸飯波(HKD108)炸飯波外層脆卜卜,原來係由牛奶煮過嘅意大利飯製成,內裡係新鮮芒果製成嘅流心餡,仲有好多果蓉!食落外層好脆,但係又帶點煙韌,有少少似食緊燸米飯咁,配埋酸甜芒果味完全唔會覺得滯。另外仲配有雲呢拿汁,仲有自家製椰子雪糕添呀! The Pudding Nouveau 地址:大坑京街17A地下 電話:3585 7325 營業時間:星期一至五:15:00-23:30 星期六至日及公眾假期:12:00-23:30

0

【工廈區的西式小店】HIM

【他與他與他】 觀塘cafe何其多,呢間主打英式早餐,又會唔會有驚喜呢!個名叫HIM,三個「他」合作組成一間由他們名字作為餐廳名既HIM,同時間,HIM亦都可以解作天父,以紀念三個他都係由教會開始認識,男人的浪漫! HIM主要以英式全日早餐為主打,除此以外,仲有其他意粉焗飯扒餐等等等等‧‧‧‧‧‧門面係咪歐洲工業風? 正所謂食野都需要食埋環境既,依間餐廳就係咁既意思啦,一睇落去,環境清新脫俗,忍唔住唱一句 「馬來亞春色綠野景緻艷雅」! 除左英式早餐外,小編就最鐘意賓尼迪蛋 (HKD58),因為流心蛋黃一介開,蛋汁瞬間流出,再加上酸酸甜甜既荷蘭醬,簡直係天作之合,而墊底既煙三文魚和伴碟既沙律菜,濃濃既煙薰味和清新既田園風味,為依款菜式錦上添花。 HIM 牛頭角鴻圖道37號鴻泰工業大廈地下3號室 星期一至五: 08:00-17:00 星期六: 08:00-16:00 星期日休息