Tagged: bbq

0

【BIG SUR週末新推 牛扒全日餐肉迷必歎】BIG SUR

去得蘇豪食嘢,就係想hea吓抖吓。BIG SUR無論店內店外都充滿悠閒嘅感覺,加上新出嘅全日餐單同晚餐,幾點嚟食嘢都係一種享受呀!即刻睇吓有咩新菜式引人流口水先。 西式嘅佈置好似去咗外國咁,人都不自覺慢落嚟。 Weekend Breakfast之中,AVOCADO TOAST(HKD95)啱晒素食者同牛油果控。香烤麵包上鋪滿牛油果醬同牛油果切片,再灑上Cotija芝士、油漬蕃茄、羅勒同粟米片,既香又脆口。 STEAK AND EGGS(HKD195)就啱晒喜肉嘅朋友,5安士炭烤無骨西冷牛扒配雙蛋、蕃茄、蘑菇同炸薯餅,惹味又飽肚。 All Day Menu都一樣有新品,想飽肚嘅唔少得CALIFORNIAN CHICKEN BURGER(HKD155)。加州雞肉漢堡有大大塊香烤椰汁雞腿肉,夾埋青瓜、蕃茄、壘勒、牛油果醬、紅辣椒莎莎醬又有fresh嘅感覺添。 BIG SUR BBQ PLATE(HKD255)就啱晒同朋友開心share,有Memphis肋骨、Nashville手撕豬肉、烤豆、椰菜同啤油麵包。大家試少少又可以試其他菜啦 晚市嘅SQUID(HKD115)酥炸新鮮魷魚配柚子胡椒蛋黃醬,作為前菜定佐酒小食都一樣咁開胃。   BIG SUR 地址:蘇豪士丹頓街22號地舖 電話:2529 3001 營業時間:星期一至五:12:00-00:00,星期六、日及公眾假期:10:00-00:00

0

【西貢遊車河玩埋免費航海體驗 歎海景BBQ+鹽田仔探秘】Local自駕遊

如果放假想遠離市區,去近郊或海邊唞吓氣,相信好多人都會諗起有「香港後花園」之稱嘅西貢,揸車嘅朋友就更加鍾意入去遊車河添。其實西貢都有好多值得去嘅地方㗎,等小編幫你安排行程啦,無論係一家大細定熱戀中嘅情侶,都有啱你哋嘅節目嘅,今個weekend揸車入西貢chill住玩返日啦! 一日限定!免費航海體驗 聽日入西貢又想體驗唔同嘅航海活動嘅話,去西貢白沙灣遊艇會嘅航海訓練中心就啱喇!佢哋聽日(5月4日)免費開放俾公眾,年滿七歲嘅小朋友同埋大人都可以試玩小型帆船、獨木舟同直立板,仲有專業教練喺度親身示範添,有興趣就唔好錯過喇!   航海訓練中心公眾開放日 地址:西貢白沙灣西貢公路10.5咪 開放日期:2019年5月4日 開放時間:10:00-17:00   海傍打卡歎Cafe 每次入西貢必去西貢碼頭,既可以悠閒咁行吓海傍,附近又有唔少特色小店,仲有啲打卡位俾你影靚相添! 沿著萬年街行,會見到唔少呢啲咁有藝術感嘅壁畫。佢哋係由「藝聚西貢」同多個藝術家合作創作嘅,呢一幅就喺蘇珊娜牛扒屋外牆,行過記得欣賞吓再打卡喇。 行到餓餓哋,想搵間cafe食啲嘢?行簡約風嘅Little Cove Espresso環境開揚,不妨喺度感受吓慢活嘅生活節奏啦! 呢款雞腿肉開心果沙律(HKD105)健康之餘,仲分量十足喎。 cafe有唔少菜式都加入地中海元素,呢款煙三文魚配酵母麵包(HKD88)就用咗中東獨特嘅香料調味,值得一試呀!   Little Cove Espresso 地址:西貢海旁廣場兆日樓地下1-2號舖 電話:9572 8560 營業時間:星期一至日:07:30-18:00   經過市場街呢間一起果醬,聽個名就知主打自家製嘅果醬啦。呢度亦果醬入饌,大部分食物都同果醬有關添。 View this post on Instagram 九官格吐司 九種不同果醬味道❤️...

0

【全城圍插宣傳非法BBQ 網民翻臭史追擊KOL】食焦

呢期最大量嘅花生,梗係由飲食界嘅Hello Pinkey提供啦!一個唔小心就返唔到轉頭啦!話說天水圍嘉湖山莊隔離座「泥頭山」,俾人改建做高爾夫球練習場同燒烤場嚟牟利,涉及違契違規問題,但係Hello Pinkey就出po大讚係「高質BBQ」、更送埋優惠入場券添!有人就話佢收咗錢宣傳,竟然介紹埋啲非法BBQ場,連日嚟俾網民鬧爆! 上埋港聞咁大件事,Hello Pinkey冇刪po又冇道歉,仲死撐話問過燒烤場負責人,得到嘅回覆係冇觸犯法例喎,不過就將燒烤場送出嘅優惠活動暫停!出埋呢個留言,更加俾網民追擊佢,話佢「非法唔通又話俾你聽咩」、「唔好再扮KOL」……唔止咁喎,講得興起,神通廣大嘅網民更加搵返佢之前啲「黑歷史」嚟笑吓咁話。 乜嘢咁好笑?當然就係話Hello Pinkey介紹親嘅唔係放題就係自助餐,仲要乜都話好食,但係次次跟住佢去搵食,都一定中哂伏,「又唔見佢介紹吓啲小店……」高登仔仲話「上次幫間食到人嘔既泰國野出鱔稿 今次又收錢幫個犯法泥頭山出鱔稿」,仲有唔少網民cap圖話Hello Pinkey刪留言,又疑似喺呢段風頭火勢期間,搵打手「做媒」留言撐自己,愈搞愈肉酸! 喺專頁有成13萬人追蹤嘅「Hello Pinkey周圍食」呢次俾全城圍插,數臭佢嘅唔少,亦都有網友發揮創意惡搞吓啦。「墳場新聞」即刻玩嘢,po咗單嘢係咁嘅:「近期網名為『你好乳娘』四圍食向檢察官表示……自己只不過是一個陰間紅人,並無觸犯法例……自己只不過收到廣告費,所謂『有奶便是娘』、誰也怪不得誰,然後就送入場券宣傳,宣傳之間不免提及『高質』等賣,自己根本不知道是否非法。『走法律罅』在陽間香港或可以脫罪,在陰司必有嚴懲。」真係笑出嚟,俾人惡搞埋變「你好乳娘」,出盡風頭啦!