Tagged: buffet

0

【素葷共融韓式素菜 回味激罕紅火龍果雪糕】素學堂

青衣城有咩新嘢食?新登場有全場唯一嘅韓式素食店BOBSANG樸生!第一個特別之處係素葷共融,因為一間舖分咗兩邊,左邊嘅Green.素食只供應全素自助餐、右邊則係素葷都有得食嘅單點餐廳。雖然素葷人士可以同枱食飯,但餐廳嘅爐頭就分開素食同葷食,等素食嘅你可以放心享用;其二就係餐廳所有用上芝士嘅菜式,都只用Daiya呢個素食界聞名嘅素芝士品牌,即使冇牛奶都有好濃郁嘅芝士味,唔係靚貨都唔俾你食囉! 餐廳開12:00,但未夠鐘就有食客等緊開餐喇! 小編今次選擇單點素菜,所以安排咗喺餐廳右邊位置,都幾多位㗎。呢度樓底夠高冇壓迫感,木系裝潢亦令人感覺幾放鬆。 外形趣怪嘅牛蒡凍豆腐(HKD65/原味)用咗九龍城老字號公和荳品嘅豆腐呀!豆腐質感厚實之中好細滑,豆味濃郁。原味以紫菜碎同芝麻醬拌勻一齊食,提升味道層次。加埋面頭炸到香脆可口嘅牛蒡絲,鹹鹹哋好正。想刺激啲可以試泡菜味(HKD65)、清新啲有萵筍味(HKD68)添。 炸腐皮芝士卷(HKD66/素泡菜)係其中一款用咗Daiya嘅菜式。以腐皮包住素泡菜、青瓜、甘荀、醃蘿蔔、牛蒡同素芝士炸成,香脆程度係一咬層腐皮已經散落喺碟度喇!點埋韓式甜辣醬就更惹味,如果想轉成葷菜可以揀泡菜牛肉(HKD68)或泡菜豬肉(HKD66)。 以芋頭、冬菇、紫椰菜同甘筍切絲煎成嘅四蔬韓式煎餅(HKD94),用無蛋奶素粉漿製作㗎。爽口清新,都幾飽肚喎! 主食點少得自選韓國撈麵呢,主料可以自己選配,呢款係素豬炒泡菜配麵(HKD68),另外有大醬豆卜(HKD58)。以菇菌類仿豬肉嘅口感,非常神似,一咬爆汁添;配埋柚子豉油汁,香得嚟酸味味,特別開胃。 不得不提自家製軟雪糕杯(HKD58),除咗冇奶類成分,仲有激罕見嘅紅火龍果味呀!味道清香唔會太甜,感覺幾輕盈;仲配有藍莓、士多啤梨等鮮果同甜醬穀物球,心理上冇咁罪惡感。 蜜桃玄米綠茶(HKD48/左)味道清淡中有微微米香,再以碟豆花混合出天然藍調,感覺更加清涼。想消暑啲亦可以試青瓜西柚冰茶(HKD48/右)。 雖然小編冇食自助餐,但都影俾大家睇睇。款式唔算勁多,但都算新穎。   BOBSANG樸生 地址:香港青衣青敬路33號青衣城一期119B舖 電話:3105 9836 營業時間:星期一至五:12:00-22:30;星期六、日及公眾假期:11:30-22:30

0

【芒檸下午茶夏天最啱 $148歎盡新款鹹甜點】Essence

喺東涌行完outlet想唞返吓補充體力?近近哋去隔離諾富特東薈城酒店嘅Essence歎個週末下午茶自助餐啦,下星期會推出新嘅芒甜檸香「夏」下午茶自助餐,呢個天氣食夠晒爽呀! Essence正正就喺酒店大堂,環境都幾開揚㗎! 芒甜檸香「夏」下午茶自助餐有大量用芒果同青檸整嘅精緻甜點同特色鹹點,清新又惹味咁衝擊味蕾呀! 香芒蝦沙律以芒果粒、爽口蝦仁同金柚絲做主料,再混入秘製泰式沙律汁同亁蔥碎,作為開胃菜真係好啱夏天食。 跟住梗係食啲香口嘢啦,脆炸魚柳佐芒果莎莎醬嘅魚柳輕輕調過味,脆漿都算薄;加埋用咗新鮮芒果蓉調製嘅芒果莎莎醬,酸酸甜甜感覺冇咁熱氣囉。 青檸忌廉小酥卷炸得金黃鬆化,裡面有滿滿又香滑嘅青檬芝士忌廉,食到淡淡嘅青檸同芝士香,邪惡但又唔想停口。 邪惡開就唔怕食埋美式青檸派啦,呢款起源於美國佛羅里達州嘅經典甜食,底層鋪滿青檸慕絲;面層空氣感嘅蛋白霜令口感更加豐富。 芒果粒粒雞蛋仔又係唔可以錯過,即做嘅脆皮雞蛋仔熱辣辣,加埋鮮忌廉同芒果肉又點會唔滿足呢? 自助餐仲有其他用芒果同青檸整嘅食物同其他菜色輪流供應,例如檸蜜豬頸肉、青檸迷迭香炸雞扒、青檸甜辣炸豆腐、脆辣香芒雞翼、青檸意大利芝士蛋糕、芒果葡撻、香芒椰子布甸等等。想book定位就去呢個連結啦:http://bit.ly/MangoLimeTeaBuffet ESSENCE 芒甜檸香「夏」下午茶自助餐 供應日期:2018 年 6 月 2 日至 9月 2 日期間內,逢星期六、日及公眾假期供應 供應時間:14:45-17:00 星期六、日:HKD148/位,設加一收費 公眾假期:HKD168/位,設加一收費   Essence 地址:東涌文東路 51 號諾富特東薈城酒店大堂 電話:3602 8808 營業時間:星期一至日:06:00-23:00

0

【中西日台款式齊集 多元化新派素食飯堂】素食分子

新派素食飯堂愈開愈多,北角嘅素食分子就係其中一間代表喇。佢哋嘅用料唔會淨係得麵根呀、菇呀呢啲一般齋料,係玩多元化!做出嚟嘅款式仲橫跨中、西、日、台等款式。 呢度設計時尚,格局都幾寬敞,有唔少年輕一代同外國人嚟食㗎,今次同大家推介中台菜式啦。 台南三杯雞煲(HKD88)同平時食嘅鍋一樣,上菜已經「滋滋」聲,香噴噴!用猴頭菇做嘅「雞」肉,不論質感同味道都令我誤以為食緊肉,像真度達90%!加上九層塔嘅甘香,令呢個小菜更惹味。 咪以為松子粟米炒蝦鬆(HKD78)平平無奇,「蝦肉」用蒟蒻整成,真係爽口彈牙幾得意,小朋友都會鍾意食。加上西芹、粟米、淮山同松子呢啲清甜嘅蔬菜,炒完都唔會覺得油膩。 牛肝菌福果浸時蔬(HKD98)係比較傳統嘅菜式,如果老人家接受唔到新派嘅就可以食呢味啦。銀杏、牛肝菌配豆苗都有唔同嘅口感。 呢度除咗單點之外,午市同晚市都有超值自助餐,只係HKD68起,食多幾次都ok啦。   素食分子 地址:北角堡壘街2號 電話:2856 6238 營業時間:星期一至日:11:30-22:30

0

【嚴重選擇困難 半自助餐回本無難度】帝景酒店 ROYAL VIEW HOTEL

聽日又放假啦!仲未諗到點樣過?小編有好介紹。位於荃灣嘅帝景酒店,最近新推出歐陸式半自助晚餐。除咗有9款多國美味主食,仲有多款前菜、小食、甜品無限供應,一於約齊家人朋友嘆住靚景細嚐與別不同嘅味覺享受。小編八達通話你知,荃灣地鐵站附近有shuttle bus可以直接到酒店,十分方便。 餐廳裝潢以暖色調吊燈加大理石餐桌,猶如進入一個富麗堂皇嘅宮殿。品嚐美食最緊要坐得舒適,餐廳坐位夠曬寬闊,坐喺靠窗位仲可以望到海景。 為食小編係貪心嘅,9款主食都想逐一試下。呢道西班牙辣肉腸燒鱈魚柳相當開胃,以新鮮茄蓉、白蔥及黑水欖燴煮,再淋上檸檬蒜蓉欖油,鱈魚柳肉質幼細且口感肥美滑溜,真係啖啖肉! 另一道主食都好吸引,大大塊烤安格斯牛柳配搭香脆炸薯條、菇同火箭菜,味道更富層次。牛柳脂肪含量同牛冧肉相若,肉質十分細嫩,脂肪部位更脆口多汁。 呢度就連生蠔都有得食,只要2位用餐就會奉送半打嚟自法國新鮮特級生蠔,入口即感受到濃濃鮮味,又帶有陣陣海水氣味,喺口中停留令人再三回味。另外餐廳細心到連擠檸檬用具都有提供,唔洗再擔心整到成手檸檬汁。 食buffet點可以唔食長腳蟹,小編見到大大隻蟹腳已經流曬口水,仲唔夾多幾隻慢慢品味?長腳蟹多肉又味道鮮甜,而且有齊鉸剪同餐具,食得好方便。 食滯咗都可以食返個沙律,多款配料選擇,有選擇困難症嘅小編,真係左諗右諗都唔知點揀。 就算食到幾飽,女人見到甜品都可以再食過。呢度甜品一定可以滿足到對甜品有追求嘅你,唔單止選擇多,而且件件都好精緻。覺得唔夠喉仲可以試下酒店推出嘅全新繽FUN週末下午茶自助餐,有7款彩色精緻甜點,以唔同顔色組合。 食自助餐大家最關心嘅梗係食物質素同優惠,由即日起至2017年5月31日食半自助晚餐或自助晚餐都有7折優惠嫁,除此之外仲有其他不同驚喜禮遇。 帝景酒店半自助晚餐或自助晚餐 由即日起至2017年6月4日,星期一至四半自助晚餐(18:00-21:30)\成人每位港幣288元起 星期五至日及公衆假期自助晚餐(18:00-21:30)\成人每位港幣488元,小童每位港幣338元 帝景酒店帝景軒 地址:荃灣汀九青山公路353號帝景 酒店二樓帝景軒 電話:3716 2898 營業時間:星期一至日: 07:00-23:00

0

【技安世紀福音 唱住K狂嘆環球美食】銅鑼灣CEO K-Buffet

唱K係大家Gathering嘅必Check之選,夜晚整個K-Buffet又食又唱就更加滿足!自從銅鑼灣Neway CEO呢間旗艦店重新裝修之後,自助餐區變咗全港Neway同CEO之中最大、最多野食!209蚊起就可以食晒環球海鮮,好似日本即開生蠔、阿拉斯加長腳蟹腳咁!仲有炸Oreo、流心芝士撻、抹茶同紫薯流心心太軟等等潮物!就算十音不全,叫埋班friend去食返餐都好喎! 日本即開生蠔隻隻新鮮肥美,一路唱K一路食生蠔真係高級享受。 原個芝士車胎拌炒扁意粉,睇唔睇得出呢個意粉下面係成大舊芝士呢?將意粉擺落舊芝士車胎度撈撈撈,條條意粉都沾上芝士,咁就夠晒芝味啦! 除咗有芝士車胎,仲有潮物流心芝士撻,圓碌碌又飽滿嘅外型真係好得人鍾意。 酥皮焗龍蝦撻,隻隻撻都有豐富龍蝦肉,配埋香草同蕃茄都幾清新!整整下,小編都唔知唱K好定食野好啦! 銅鑼灣CEO 地址:香港銅鑼灣怡和街19-31號2樓至3樓CEO卡拉OK K-Buffet供應時間:18:00-22:00 價錢:星期日至星期四:HKD$209/1位 星期五、六及公眾假期前夕:HKD$219/1位 另收加一服務費

0

【迎奧運!嘆巴西自助餐】萬麗咖啡室

里約奧運下月初就正式喺巴西開幕啦,作為運動狂迷既小編,梗係十分十分期待啦!最近位於灣仔的海景萬麗酒店的萬麗咖啡室,以巴西風味做主題,迎接奧運啦!小編已急不及待去望梅止渴試試,據知來自當地的廚師廚藝高超,設計多款地道菜式,重點係仲幾型仔,真係睇飽食飽呀! 自助餐必掃位 1/巴西傳統美食 自助餐區高掛巴西國旗,令現場充滿氣氛,感染下巴西既熱情! 中日韓式前菜就食得多啦,巴西前菜又係點樣,小編去探究下先! 頭盤唔少得沙律,要健康當然清清地開胃先!由自己混合的沙律有不少配搭, 另外仲有黑眼豆沙拉、西蘭花腰果沙律、意粉沙律、牛油梨紅菜頭沙律及泰式牛肉沙律,都好多選擇! 黑眼豆沙拉  其實黑眼豆營養成分相當豐富,所含維生素B1可以蠕動胃腸道,促進食慾。餐前食最好不過。 巴西式炸雞肉 熱盤方面,呢款巴西炸雞最吸引,粒粒金黃色,遠望仲以爲係細泡芙!炸雞肉最緊要趁熱食,服務員會不停添加,唔洗驚食唔到熱辣辣炸雞肉球啦。 巴西燉魚 有好濃厚大蒜味加埋胡椒同椰奶,完全刺激到味蕾。 黑豆燴雜肉 賣相雖然唔吸引,但以黑豆、香腸及豬肉燴製成而,真係夠晒健康!黑豆對消腫、潤肺清熱又好有幫助,仲要好有口感! 2/即製串燒班戟  現場布置充滿巴西風情,掛滿國旗,已經好有feel!仲有當地靚仔客席大廚Lucio Mauro為你即叫即製串燒呀! 木薯班戟 有廚師即製巴西特色甜品,班戟皮夠薄,加上滿滿的香蕉,而木薯餡又好有巴西風情!已經聞到好香,即刻Order幾份先! 班戟切成一小件細意品嘗,唔會怕甜到漏! 3/傳統甜品朱古力球 Brigadeiro朱古力球 傳統巴西甜品一定唔少得,香甜又好濃郁朱古力味,絕對不能錯過! 焦糖布甸 內藏多款生果,一定要食肯定係「超級水果」巴西莓,食左咁多野落肚,佢可以幫助提高新陳代謝及消化系統健康!令內外都變靚的水果,一定要好好享用! 椰子西梅布甸 西梅汁帶點椰香,更消暑開胃! 4/掃埋環球美食 唔止巴西美食咁簡單,平時自助餐食到既都有!可以滿足晒唔同食客,好貼心! 國際美食好似日本雜錦壽司及小卷,都好多款可以揀,。大熱鰻魚、三文魚、生蝦係必有嘅,而且小編試食過,質素係唔錯! 除左壽司卷物,頭盤凍肉有莎樂美腸 Salami、西班牙辣肉腸 Spanish Salami、風乾牛肉 Air-dried Beef,一於每款都試下。 凍海鮮都好吸引嫁,有夏天當造嘅肥美澳洲 Rock Oyster、藍青口、蟹脚、翡翠螺,仲有熟蝦。注定食到肚滿腸肥啦! 5/仲有得抽海景房...