Tagged: Cocktail

0

Food 食物 / Hong Kong 香港

【潮飲潮食父親節刷餐好 中西日美食×夢幻雞尾酒】父親節

仲有兩個星期就父親節喇，諗好送咩或食咩未呢？今次小編精選咗禮盒同餐廳推介俾大家，特你同爸爸一齊潮飲潮食！   潮飲 夢幻Cocktail禮盒 唔理係咪同爸爸出街食，點都要禮到嘅。想物輕情意重，又可以同爸爸摸吓酒杯底，不如自製Cocktail啦！最近網上試業嘅homeshake，有4款雞尾酒組合(HKD180/款)俾大家喺屋企自己shake出顏色夢幻，打卡一流嘅Cocktail。而且禮合已經將分量配搭好，絕對手殘都識整。 每盒一款口味，可以沖到兩杯分量，跟足指示就整到，想試就趕埋去到6月8日嘅早鳥優惠(HKD168/盒)啦，依家每盒贈送專業用調酒棒1枝添。 全新 homeshake DIY Cocktail 網上專門店 面世喇 【全新網店 homeshake DIY Cocktail 網上專門店?面世喇 】喺屋企都可以輕鬆 DIY Cocktail，4款人氣口味任你揀，#邊玩邊飲邊打卡?！ 全港首次登場，6月1日正式預售‼️?DIY Cocktail 步驟輕鬆簡單，無須專業調酒工具，手殘亦能秒速完成?一盒可DIY兩杯，平均每杯 $90 有找，抵玩又抵飲 ??呈多種漸變色彩?，打卡慶祝必備新品? 原價：$180/盒（每盒可製作2杯）✨ 早鳥優惠：$168/盒（更贈送 專業用調酒棒1枝）－6月8日或之前購買，即享早鳥優惠－立即購買 ➡️ https://bit.ly/2XfrJl6送貨安排：http://fb.com/117109440018551 （預計6月8日出貨）【每盒包括】① DIY 特色雞尾酒材料一盒（每盒可製作2杯）②...

0

Food 食物 / Hong Kong 香港

【JOHNNIE WALKER×調酒師 教你5款果香調酒配方】JOHNNIE WALKER

喺屋企招呼朋友，有時俾大家歎杯Cocktail摸吓酒杯底唔係唔得，係唔知點溝好？JOHNNIE WALKER就同5位本地調酒師合作，教大家5款帶果香味嘅調酒配方，等你哋安坐家人都可以舉杯盡興！ 更多關於Johnnie Walker Black Label Highball嘅製作方法同購買資訊可以瀏覽Johnnie Walker 網站，亦可以喺下列網站直接購買： HK Liquor Store, HKTV Mall, ParknShop, Rare & Fine Wine, Wai Shing, Watson’s Wine, Wellcome, Foodwise 1. Irre-zest-ible (由來自Quinary嘅Shelley Tai製作) 材料： Johnnie Walker Black Label威士忌 – 30ml...

0

Food 食物 / Hong Kong 香港

【新開英式酒吧大玩港式桌上遊戲 「有味」雞尾酒×Cold Cut】Save Bar

尖沙咀作為其中一個酒吧集中地，想突圍而出都要花啲心思。新開嘅Save Bar就大玩懷舊味道，咪睇呢度裝修走英倫風，喺度可以玩到唔少港式兒時遊戲㗎。入行十年、負責人之一Giann講到酒吧嘅理念就超興奮「其實去酒吧唔一定就係玩到癲，有時唔開心都會想搵個靜少少嘅地方抒發吓，但又唔使去到清吧咁靜，我哋都想照顧到呢班人。而且好多香港人鍾意懷舊feel，透過一啲連繫勾起好多回憶，所以我哋嘅桌上遊戲都加入香港人細個玩嘅Board Game，就連Cocktail嘅設計都行呢個方向。」。講到咁有故事性，即刻睇吓有咩咁特別先！ 入到嚟聽住酒吧播放八十年代嘅音樂，更加令小編投入其中，而且環境好適合打卡呃like喎。 呢度嘅枱面都可以顯示7款桌上遊戲，仲係免費任玩添，因為佢哋覺嚟飲酒已經係消費，遊戲只係應有提供嘅服務，呢個諗法真係好貼心呀！小編見到蛇棋同波子棋就好有感覺，細個真係玩唔少囉。 另外亦有賭枱遊戲可以揀㗎。 邊玩梗係邊摸酒杯底啦，呢度既然行懷舊風，7杯招牌Cocktail分別以「VINTAGED」嘅英文字命名，賣嘅唔止係味道，亦係心思呀，依家就介紹其中幾款啦！呢杯Vooden(HKD138)用木盒蓋起呈上，打開意味尋找回憶；用料上加入自家以白酒調製嘅五花茶，配合舊時嘅人放工去涼茶舖休息嘅感覺；雖然帶有甜味，一入口都幾辣喉㗎！ 酒吧會為每位點IMAGINATIONS(HKD128)嘅客人影張即影即有相，意味你啱啱嚟到Save Bar嘅時候同酒色一樣咁清澈，但走嘅時候可以好似慢慢顯現嘅相咁，帶走屬於你嘅回憶。呢杯相對甜啲同清新啲，因為加入佛手柑利口酒同梳打，感覺同氣泡酒有啲似。 以85%黑朱古力自家製嘅朱古力片扮成黑膠唱片，配襯留聲機造型杯嘅Emajor(HKD108)係咪好有味道呢？當中用咗自家釀嘅Layer Grey Gin，帶有陣陣花香；另外再加少少蜜糖同檸檬汁，味道微澀又有濃郁嘅酒香。食埋朱古力片再飲一啖，味道會更加香甜。 咪以為雞尾酒都有奶蓋，面頭其實係自家用接骨木花整成嘅蛋白泡沫，下面就加咗新鮮嘅紅菜頭汁同蘋果汁令味道甜啲又健康啲，酒味唔會太突出；不過飲之前記得攪勻呀，可以再減淡紅菜頭汁嘅蔬果味。 想叫啲小食佐酒的話，呢度都有凍盤㗎。PARMA HAM & MEAT COLD CUT PLATTER(HKD178)有巴馬火腿、Salami同煙三文魚，可以要求用火槍輕炙Salami，咁就會油香啲又滑啲。 SALMON ROLL WITH ASPARAGUS(HKD98)少有配合蘆筍，健康得嚟又唔會太油，啱晒女士呀！ DUCK BREAST WITH SUN-DRIED(HKD78)比較肉感，但係伴上油浸蕃茄乾米餅真係畫龍點睛！意式製法蕃茄乾好香濃，配埋米餅可以中和鴨胸嘅飽滯感。 呢度咁著重回憶，亦都想大家可以喺度製開心嘅回憶。所以另一位鍾意攝影嘅負責人，會隨機為客人用菲林機留影，等你下次嚟嘅時候可以喺存放呢啲照片嘅相簿入面搵返出嚟，搵到就可以免費拎走喇。 唔少人都喺荔園或者開心樂園玩過掉波波同擲豆袋遊戲，喺度只要消費滿指定金額就可以玩，仲會按成績送獎品俾你添。Giann話已經有人贏過大獎，小編試吓發覺都唔係勁難喎。獎品會不定期更換，嚟到記得問吓有咩喇。   Save Bar 地址：尖沙咀金巴利道40號MW...

0

Food 食物 / Hong Kong 香港

【飲飽食醉西式啤酒宴 沙律薄餅甜品加料手工啤】掌門精釀啤酒

掌門精釀啤酒係台灣幾出名嘅手工啤酒品牌，香港店嘅酒都由台灣運嚟以保持一致品質。繼尖沙咀店之後，上月喺西營盤開分店，用酒煮嘅菜式多咗，星期六、日仲有Brunch食添，等小編帶大家睇吓新店有咩好食啦！ 餐廳位置喺西營盤高街小斜坡之上，餐廳環境就好開揚。 沙律都可以落酒？掌門四款沙律之中有兩款加咗酒，火箭菜意大利火腿無花果沙律(HKD108)仲係廚師推介添！廚師喺沙律汁落咗精釀啤酒「酸酸」，酒味比較薄，但味道酸啲，撈埋新鮮嘅無花果、火箭菜、Parma Ham好開胃又夠fresh！最鍾意佢加埋核桃，有咬口，感覺更加健康。 意式辣肉腸薄餅(HKD118)喺搓薄餅底嘅時候以招牌精釀啤酒「55%小麥」代替水，令薄餅口感煙韌啲，不過一樣焗得好香脆。餅底搓得算薄，意式辣肉腸同車打芝士海量式鋪滿喺面，食肉獸最愛呀！ 海鮮意粉(HKD148)，大廚喺炒意粉時，加入以大量美式啤酒花為風味特色的暢銷酒款「柒拾肆-加強版」，務求強調香氣，襯托海鮮鮮美。 安安檸檬芝士蛋糕(HKD58)用咗啤酒花能增加果香，質地好順滑同厚實。芝士味同檸檬味都好出，配埋雲尼拿果仁有多重享受添。 試完用酒煮嘅菜，輪到新店星期六、日嘅Brunch喇，一樣好足料囉！三杯雞多士盒(HKD78)外形有啲似台灣小食「棺材板」。嫩滑嘅雞髀肉用薑片、蒜頭、辣椒同葱爆香，惹味又有少少辣，再回鍋落埋「三杯」，即係黑麻油、生抽、老抽同冰糖一齊炒。收乾之後再加埋九層塔，肉有少少焦又好鬼香。不過最點睛係溫泉蛋喇！篤爆佢，將蛋汁同雞肉撈勻更香滑。加埋即烘脆口多士盒，真係飽到上心口。 仲有將蛋漿加入蘑菇、雞肉粒、薯仔粒、紅椒、青椒、菜同肉腸，煎成厚厚嘅香腸淡色艾爾意大利蛋餅(HKD68)。口感好豐富，因為落咗勁多料。蛋餅煎到啱啱好，仲有啲蛋汁添。 當然要飲杯酒落肚啦，新款Cocktail之中，小編幾鍾意狂野烏梅(左：HKD68/杯)。以味道辛辣嘅Tequila龍舌蘭酒同Cherry Brandy櫻桃白蘭地做基酒，加上重口味的烏梅汁同清新嘅青檸汁。入口即刻feel到酒精濃度高，酸中帶甜都啱夜晚飲。 仲有炭燒西柚(中：HKD68/杯)，相比之下感覺好清爽，lunch飲都好舒服。以Gin酒做基酒，簡單配上西柚汁同炭燒烏龍茶，口感順滑，同時加入西柚粉紅色糖漿都唔會覺得甜，反而餘韻有種果茶嘅香氣添。 如果都係鍾意啤酒，大吉大利(右：HKD49/250ml)都唔錯，以科隆Kolsch啤酒加入大量新鮮金桔製成，因為「吉」同「桔」係同音字，所以攞個好意頭叫做「大吉大利」。味道清新但有啲酸甜果香，反而冇咩啤酒花嘅苦味。   掌門精釀啤酒 地址：西環西營盤高街53-65號地下富裕大廈地庫 電話：2650 0511 營業時間：星期一至日：12:00-23:00

0

Food 食物 / Hong Kong 香港

【海鮮大咖合體酒吧推新菜 刁鑽麻辣串燒爽口彈牙】辣吧

鍾意返大陸食四川菜嘅朋友都可能食過海鮮大咖，呢種用一個大平底盤放滿唔同種類海鮮，再倒入麻辣湯嘅打邊爐食法近年好流行。上年第一間引入呢種食法嚟香港嘅麻辣派，早前由旺角搬咗去尖沙咀諾士佛臺，由20個位增加到有90個，仲改名為辣吧添。新舖除咗有海鮮大咖，仲有多款刁鑽部位嘅麻辣串燒、麻辣烤海鮮同四川冒菜等菜式；另外仲有中式cocktail同啤酒，將麻辣同酒吧合體。不過大家放心，都有極少數食物係唔辣嘅！ 新店座位好闊落，亦有吧枱可以俾你飲酒吹水。嚟到新店，小編梗係試新菜先啦！ 小編好想試嘅網紅海星(HKD128)真係要問店員點食先啱。廚師烤熟後用海鹽墊底上碟，反轉剪開底部挖綠色嘅內臟出嚟，就咁食幾似食緊蟹膏，濕濕哋有少少汁；正宗啲點芥末豉油亦得，不過會蓋過佢本身嘅鮮甜味，所以小編鍾意點海鹽，因為鹽可以提升鮮味呀！店長話有啲人都因為海星慕名而嚟，不過有人會覺得腥，但小編又唔覺喎，可能因為小編勁鍾意食蟹膏啦。 跟住到麻辣串燒喇，肉類同素菜加埋成四十款，老闆之一Sonic話四川嘅串燒食材比較爽口，有啲部位仲好刁鑽，所以餐廳用料多喺國內運嚟，香港其他地方未必有㗎。上菜嘅時候，會用火一路熱住鐵盤，不過建議大家趁熱食，擺得耐會乾。小編試嘅4款由左至右分別係： 鴨郡把(HKD26/串)係鴨腸同鴨賢之間嘅血管，口感比鴨腸爽口同厚啲，都易咬開。 豬鼻樑筋(HKD26/串)真係估唔到有得食，係呢幾款之中最彈牙，亦係小編最鍾意嘅，因為冇咁肥。 豬天梯(HKD26/串)係豬喉嚨，雖然都爽口，但質感會相對硬少少。 手打牛肉餅(HKD26/串)就係將手打牛丸壓扁整成餅，同煮湯麵嘅手打牛丸比會乾啲，但一樣彈牙。 食完呢幾款串燒，個咀都有啲麻，辣度似譚仔3小辣同2小辣之間，都容易接受。 魚喺燒烤菜式之中，最常見係多春魚，呢度反而烤耗兒魚(HKD32/條)，Sonic話鍾意佢嘅肉質夠結實同鮮甜。小編平時好怕食魚要挑骨，但佢好易起肉，細骨亦唔多。 折耳根烤大茄(HKD48/條)面頭唔係蒜蓉，而係落咗折耳根，即係平時煲綠豆沙用嘅魚腥草(臭草)，順便清熱一吓又幾好喎。味道就係平時燒茄子咁，微辣但非常多汁，好似右圖咁一壓落去就睇得出幾咁juicy呀！ 熱鍋串串(HKD128/揀10款，每款3串)啱晒想輕食又想有食火鍋feel嘅朋友，餐廳煮好就一大碗咁上菜，拎起真係熱到冒煙㗎！葷素加埋有42款選擇咁多，小編揀咗素菜多啲同唔辣嘅蒜蓉汁。其中右邊嘅海帶薄薄哋幾軟滑，左邊嘅麻吉燒喺魚蛋裡面加年糕，煙韌唔覺膩喎！ Sonic話好多鍾意食辣嘅人會追辣，因為愈食愈過癮，所以佢哋都有爆菊花系列滿足同好。不過小編仲想有命落樓，只係挑戰5隻辣椒。 湖南小米椒干爆雞軟骨(HKD88)雖然係當日食嘅嘢之中最辣，大約接近譚仔小辣。食嘅時候記住吞晒先好講嘢，否則啲辣粉好易嗆喉㗎。雞軟骨嘅炸漿唔算厚，都幾脆，係好正嘅下酒菜呀！ 嚟到當然要試埋辣吧嘅招牌海鮮大咖(HKD288/一人份)啦！呢個大盤裝咗8人分量，但唔需要按人頭落order，如果4-5人可以叫2人分量，可以留肚試埋其他小菜吖嘛。餐廳每日提供6-8款海鮮，會按時節調整款式；仲有配菜俾你揀添，豆卜、芽菜、薯條、冬瓜、生菜、白蘿蔔、土豆粉可以揀四樣，食落都咪話唔飽。湯底有唔辣嘅蒜蓉汁同分大、中、小辣嘅麻辣汁，小編揀咗小辣，惹味又品嚐到海鮮嘅鮮味，依家近距離睇吓質素點先！ 膏蟹係深得小編歡心嘅，微微炸過令膏同肉冇咁易散，啖啖甘香嘅蟹膏食到流晒口流㗎！ 貴妃蚌同鮑魚仔平排，明顯睇到貴妃蚌堅好肉地，一咬就嗦嗦聲。 蟶子王同魷魚筒都同樣出色，尤其係魷魚筒，好少有咁大隻，一路煮都唔會韌。 酒類可以試吓cocktail，呢兩杯係兩位老闆嘅最愛，所以用返老闆個名命名。左邊SONIC(HKD118)用檸檬草浸嘅龍舌蘭酒、蘋果汁、蘋果花茶、百香果糖水等用料調製，果香中帶甜，不過唔會甜死人。右邊YU(HKD118)用咗廣東米酒、桂花陳酒、Rum酒、菊花茶同菊花糖水調製，真係好似飲菊花茶咁清新下火喎。兩款cocktail嘅酒精濃度唔算高，唔嗆喉，喺食濃味嘢同時可以refresh吓都幾好㗎。   辣吧 地址：尖沙咀諾士佛臺1號1樓 電話：6433 3362(WhatsApp) / 2363 0313 / 2363 7288 營業時間：星期一至日：17:00-03:00

0

Hong Kong 香港 / Truly Holidays 真假期 / 期間限定優惠及推廣

【秘製限時特調 世界級調酒師×InterCon】香港洲際酒店 InterContinental

想品嚐一下世界級調酒師設計嘅雞尾酒嗎？依家有機會啦。香港洲際酒店邀請咗新加坡十大最著名調酒師之一Arijit Bose，以德國Monkey 47 Gin為基酒設計4款雞尾酒，限時供應㗎。  Celebrity Bartender Arijit Bose名列新加坡十大著名調酒師、亞洲首25名調酒師，仲被選為40歲以下50名最具影響力的青年印第安人之一。更去過全球排第7嘅酒吧28 Hong Kong street in Singapore做調酒師，真係好有實力！ 來頭咁勁嘅佢依家享受國際旅遊生活，經常飛去世界各地品嚐並發揚雞尾酒同印度風味，要飲到佢設計嘅酒真係好難！今次呢4款以德國Monkey 47 Gin為基酒嘅雞尾酒真係萬勿錯過啦： The Knicker Bocker Gambit有Monkey 47、曼奇諾酒、紅桑子糖漿、橙汁、檸檬汁，味道甜甜酸酸，入口幾醒神。 The Schwarzwald Sour有Monkey 47、白葡萄酒、檸檬汁、糖漿、蛋白，質地綿密啲。 The Young Earl有Monkey 47、伯爵茶、百里香糖漿、新鮮荔枝、檸檬汁、氣泡酒，雖然略帶茶味又少少甜，都仲有酒嘅感覺。 The Monkey’s Secret有Monkey 47、蕁麻酒、杏仁糖漿、青蘋果汁、梨汁、檸檬、湯力水，4款之中果香味多啲甜啲，都幾清新。 呢款Monkey...

0

Food 食物 / Hong Kong 香港

【飲走Blue Monday 頂尖Cocktail × 多國美點】Common Room

Common Room位於蘭桂芳，係一間gastrobar，集合經典同創新Cocktail於一身。唔單止有三個頂尖調酒師坐陣為你調酒，仲有多國小食供應，大家同朋友仔可以嚟到慢慢hea，享受cocktail同小食。 佢地全店差唔多有4,000呎咁大，帶少少industrial-chic嘅裝潢，仲有埋Funktion One音響設備同埋室外座位添，大家嚟到一定可以輕鬆hea啦！ 嚟到飲返杯靚cocktail，放鬆一下，可以試試Myrtille Sidecar(HKD120)，佢以Calvados同Cointreau作為基底，再配以薰衣草、柑橘、新鮮藍莓同糖。味道酸酸甜甜容易入口，唔會嗆喉，加上外形討好，啱晒女仔。 如果鍾意味道特別啲，可以試下Peanut Butter Toast(HKD130)，以威士忌為基底，配以花生醬、柑橘同適量嘅糖，味道香濃容易入口，男女仔都會鍾意！ 飲酒當然唔少得佐酒小食，有少少辣嘅Chorizo & Patatas Bravas(HKD108)就夠晒惹味啦！鐵板上熱辣辣嘅腸仔、薯仔再加埋有少少辣嘅茄汁，最後再配上慢煮雞蛋。小編鍾意混埋雞蛋，香辣惹味得嚟口感味道更加溫潤。 Deep-fried Pumpkin Gnocchi(HKD98)佐酒小食，好多時第一時間都會諗起薯條，原來南瓜條都一樣脆身好味，仲更加香甜！脆卜卜嘅南瓜條配上羊奶芝士同柑橘忌廉，味道酸甜清新又夠晒香口，鍾意食薯條嘅小編都忍唔住食多幾條！ Common Room 電話：2525 3599 地址：中環和安里8-13號和安樓1樓 營業時間：星期一至五: 11:30-14:30 (午市) 星期一至六: 18:00-23:00(晚市); 18:00至凌晨(酒吧)

0

Food 食物 / Hong Kong 香港

【Café+庭院 西環最強慢活組合！】Opendoor Cafe + Courtyard

小編作為偽文青，喺繁忙工作背後，時時都想喺午飯時間有一個寧靜悠閒空間，靜靜整理自己嘅思絮，而唔需要好趕咁係茶餐廳食個快飯。小編喺西環搵到一間隱世Cafe，除咗可以坐低慢慢食，仲有一個特色庭院可以比大家坐低傾下計！想知係點？等小編帶你去睇下啦！ 餐廳有一個別有洞天嘅庭院，有唔少植物做擺設。配合埋牆上嘅特色壁畫，令環境增添氣氛。如果想靜靜享受獨處嘅空間，或者想三五知己談心，依個地方都絕對適合你。 Smoked Salmon Cauliflower ‘Rice’ (HKD72) 用咗椰菜花取代米飯作為主材料。依款菜式不但減少米飯嘅糖份，而且加上大量椰菜花同燈籠椒，合符多菜少肉嘅原則，適合健康人士。 Spinach Chicken Pasta(HKD70) 依款看似簡單嘅菜式，但落足晒心思。首先將菠菜磨成蓉，然後再加上蒜頭、洋蔥、雞肉、長通粉同其他配料。雞肉選用雞胸肉，肉嘅油份唔多，醬汁非常清新，又一健康之選。 Full All Day Breakfast (HKD108) 食物十分豐盛，包括蛋、香草肉腸、煙肉、蕃茄、蕃茄豆，蘑菇同多士。每款食物份量不但多，而且煎得十分香口，未食已經聞到陣陣香氣，所以唔單止作為早餐，午餐都能夠飽餐一頓。 Refuel Smooth (HKD48) 材料有香蕉、雜莓、薄荷同鮮奶。香蕉含有果糖，可以提供能量，而薄荷有提神醒腦嘅作用，唔怪得會以「加油」命名。原來係想大家飲完依杯飲品之後，精神奕奕迎接新一日！ Spicy Old Fashioned (HKD68) 打破傳統框架，喺酒入面加上花椒八角，味道帶啲嗆烈，飲落去精神為之一振。 Minty Mocha (HKD58) 就算係簡單一杯飲品，餐廳都有花心思。好似會喺杯邊沾上朱古力粉，令入口味道更為香濃。同時薄荷嘅味道，亦令朱古力味道更為特出。 Opendoor Cafe + Courtyard 地址：西環干諾道西120號舖地下 電話：3460 3880...

0

Food 食物 / Hong Kong 香港

【夜蒲全攻略 蘭桂坊終極奢華蒲點】Club Primo

成日心思思想放工大玩特玩輕鬆下？位於蘭桂坊嘅Club Primo，裝潢優雅，仲會供應頂級香檳同雞尾酒，去到仲有駐場DJ同埋酒吧小食，非常適合同朋友盡情癲返晚！ 嚟到梗係要大玩特玩！呢度可以比大家盡情咁玩Beer pong，Flip Cup同Slap Cup！ 作為佐酒小食，Smoked Duck Breast(HKD80)食落軟腍，油脂分佈啱啱好，入口唔會覺得太乾又太油，值得一讚。 Hey Berry (HKD108)呢杯Cocktail混有紅莓、蛋白同新鮮青檸，入口酸酸甜甜，配埋粉紅色外型，真係女仔殺手。 King’s Pine (HKD108)同個名一樣，呢杯Cocktail真係有王者氣派，金黃色嘅菠蘿突咗少少出嚟，就好似王冠咁。以White Rum為基酒再配以檸檬汁同菠蘿蓉，飲落去酸酸地好易入口，仲帶有少少香草清香。 Nourish Breakfast (HKD108)以Gin為基底，再配以檸檬汁、乳酪、覆盆子同栗米片製成。得意之處就係Cocktail中間嘅疑似蛋殼，好飲又好玩。 Club Primo 電話：9668 9285 地址：中環安蘭街18號7樓 營業時間：星期一至日：18:00–04:00

0

Food 食物 / Hong Kong 香港

【潮去尖咀乾杯 唱K、掟鏢、大飲靚cocktail】Cheers 乾杯

日日返工為咗五斗米爆seed，放工放假果陣自不然就會好想抖下、玩下、癲下！位於尖沙咀嘅Cheers乾杯可以滿足晒你嘅需要，嚟到除咗可以食野、飲返幾杯之外，仲有得唱K、掟飛標添！就算你為咗五斗米幾辛苦都好，嚟到即刻唔記得晒！ Cheers嘅位置十分就腳，出開尖沙咀行街要上嚟都好方便。  嚟到除咗飲返杯之外，大家仲可以同朋友唱下K。 即使你十音不全，打個乞嚏都會走音都好，嚟到都唔駛怕無野玩！因為呢度仲有得玩飛鏢，可以玩返幾鋪癲下笑下。 雖然呢度係酒吧，但係都有高質食物供應。呢道炭烤紐西蘭西冷(HKD108)一啲都唔韌，食起嚟牛肉味濃郁豐腴，配埋粗薯條更加滋味。 June Bug(HKD58)由Tequila，Lemon Juice同Grendine組合而成。果汁味香濃，味道酸酸甜甜，非常易入口，女士一定鍾意。 有隻色走甩咗嘅Rainbow Bridge(HKD198)，每杯都有豐富白色泡泡，其實全部都係Vodka泡泡嚟㗎，用咗分子料理製法製成。上面嘅粉紅色粉帶點士多啤梨味，無論外型抑或味道都好特別！ Cheers 乾杯  電話：9702 6649 地址：尖沙咀亞士厘道28-34號天星大樓1樓B舖 營業時間：星期一至四：11:00-02:00 星期五至六：18:00-04:00 逢星期日休息

Follow: