Tagged: cocktails

0

【日山和牛貫穿全日Menu Chill歎精緻西日下午茶】Gosango

鍾意食和牛嘅朋友要留意銅鑼灣開張無耐嘅Gosango,佢哋由單點款式、下午茶、Happy Hour到晚餐都用日本頂級和牛「日山和牛」滲入唔同菜式,仲有睇得又飲得嘅Cocktails同Mocktails,無論平日定假日嚟都正喎。 餐廳設計時尚摩登,但隱隱有日式風味嘅感覺。 單點菜式之中有兩款用咗日山和牛,日本和牛漢堡(HKD188)肉味香濃,配埋秘製醬汁就更加惹味! 另外,和牛肉醬闊麵(HKD168)口感好飽滿,配埋脆米餅令層次變化多啲添。 想light啲可以試吓蟹肉天使冷麵配櫻花蝦雞清湯(HKD158),味道鮮甜又唔會滯。 行到攰攰哋,可以試吓有齊鹹甜點嘅精緻下午茶套餐(HKD288/兩位)。自家製橙味英式鬆餅配自家製淡忌廉藍莓果醬、蟹肉脆餅、鮮蝦多士、日山A5和牛蕃薯餅、意大利芝士杯、檸檬撻、綠茶茉莉花雪糕同榛子閃電泡芙款款都咁吸引,飲品可以點茶或咖啡。 呢度晚餐好特別,只係供應呢款小食拼盤套餐(HKD188/位,HKD368/兩位),跟餐可以喺指定嘅特選無酒精雞尾酒揀一杯飲品。九宮格入面有脆炸豆腐配土佐醋汁、日山A5和牛壽司、鹽漬昆布沙律、海膽馬鈴薯沙律、日山A5和牛牛肋條、櫻花蝦餅、脆炸鱔乾、日山A5和牛迷你漢堡同日山A5和牛芝士春卷,唔覺意就試咗幾款用嘅菜式添。食過返尋味的話,每款都可以再追加(HKD48款)。 如果只係Happy Hour嚟飲杯嘢,只要點任何酒精飲品或Mocktails,都會免費送一個日山A5和牛迷你漢堡。左邊嘅Mocktail就係Mid-Summer(價錢待定),將菠蘿、薄荷、蘋果、自製茶糖水同玫瑰完美結合,加埋紅莓雪芭幾fresh。呢度仲有一系列松本酒清酒Cocktails,右邊夢幻紫色嘅松(價錢待定)就用松本清酒、藍花糖漿、巨峰提子同薄荷調製,再以食用花做點綴。呢度仲有多款手工啤酒同日本精品清酒可以揀添。   Gosango 地址:銅鑼灣謝斐道535號Tower 535 1樓 電話:2885 0533 營業時間:星期一至日:11:30-00:00 菜式供應時段: 單點菜單:11:30-18:00 精緻下午茶套餐:14:30-17:30 小食拼盤套餐:17:30-00:00 歡樂時光:17:30-19:30

0

【飲飽食醉西式啤酒宴 沙律薄餅甜品加料手工啤】掌門精釀啤酒

掌門精釀啤酒係台灣幾出名嘅手工啤酒品牌,香港店嘅酒都由台灣運嚟以保持一致品質。繼尖沙咀店之後,上月喺西營盤開分店,用酒煮嘅菜式多咗,星期六、日仲有Brunch食添,等小編帶大家睇吓新店有咩好食啦! 餐廳位置喺西營盤高街小斜坡之上,餐廳環境就好開揚。 沙律都可以落酒?掌門四款沙律之中有兩款加咗酒,火箭菜意大利火腿無花果沙律(HKD108)仲係廚師推介添!廚師喺沙律汁落咗精釀啤酒「酸酸」,酒味比較薄,但味道酸啲,撈埋新鮮嘅無花果、火箭菜、Parma Ham好開胃又夠fresh!最鍾意佢加埋核桃,有咬口,感覺更加健康。 意式辣肉腸薄餅(HKD118)喺搓薄餅底嘅時候以招牌精釀啤酒「55%小麥」代替水,令薄餅口感煙韌啲,不過一樣焗得好香脆。餅底搓得算薄,意式辣肉腸同車打芝士海量式鋪滿喺面,食肉獸最愛呀! 海鮮意粉(HKD148),大廚喺炒意粉時,加入以大量美式啤酒花為風味特色的暢銷酒款「柒拾肆-加強版」,務求強調香氣,襯托海鮮鮮美。 安安檸檬芝士蛋糕(HKD58)用咗啤酒花能增加果香,質地好順滑同厚實。芝士味同檸檬味都好出,配埋雲尼拿果仁有多重享受添。 試完用酒煮嘅菜,輪到新店星期六、日嘅Brunch喇,一樣好足料囉!三杯雞多士盒(HKD78)外形有啲似台灣小食「棺材板」。嫩滑嘅雞髀肉用薑片、蒜頭、辣椒同葱爆香,惹味又有少少辣,再回鍋落埋「三杯」,即係黑麻油、生抽、老抽同冰糖一齊炒。收乾之後再加埋九層塔,肉有少少焦又好鬼香。不過最點睛係溫泉蛋喇!篤爆佢,將蛋汁同雞肉撈勻更香滑。加埋即烘脆口多士盒,真係飽到上心口。 仲有將蛋漿加入蘑菇、雞肉粒、薯仔粒、紅椒、青椒、菜同肉腸,煎成厚厚嘅香腸淡色艾爾意大利蛋餅(HKD68)。口感好豐富,因為落咗勁多料。蛋餅煎到啱啱好,仲有啲蛋汁添。 當然要飲杯酒落肚啦,新款Cocktail之中,小編幾鍾意狂野烏梅(左:HKD68/杯)。以味道辛辣嘅Tequila龍舌蘭酒同Cherry Brandy櫻桃白蘭地做基酒,加上重口味的烏梅汁同清新嘅青檸汁。入口即刻feel到酒精濃度高,酸中帶甜都啱夜晚飲。 仲有炭燒西柚(中:HKD68/杯),相比之下感覺好清爽,lunch飲都好舒服。以Gin酒做基酒,簡單配上西柚汁同炭燒烏龍茶,口感順滑,同時加入西柚粉紅色糖漿都唔會覺得甜,反而餘韻有種果茶嘅香氣添。 如果都係鍾意啤酒,大吉大利(右:HKD49/250ml)都唔錯,以科隆Kolsch啤酒加入大量新鮮金桔製成,因為「吉」同「桔」係同音字,所以攞個好意頭叫做「大吉大利」。味道清新但有啲酸甜果香,反而冇咩啤酒花嘅苦味。   掌門精釀啤酒 地址:西環西營盤高街53-65號地下富裕大廈地庫 電話:2650 0511 營業時間:星期一至日:12:00-23:00

0

【無「暗號」唔入得? 中環秘密Cocktail基地】I Know John

酒吧以 “I Know John” 命名,原意係源自於傳統Speakeasy酒吧使用密碼暗號進場嘅慣例,製造出一種神祕格調。 I Know John位於中環The Loop 9樓以時尚地下酒吧為主題,配合頂級調酒師炮製出一系列美味雞尾酒。室內裝潢充滿時尚感,深色原木及櫟木塊打造嘅吧枱,配上長梳化座位;昏暗燈光令私隱度極高,其幽靜環境十分適合談心。如果引起你好奇心,不妨嚟到敲門講句暗號:「I Know John」,睇下有咩反應? WALTER’S BLUE(HKD118)以Chartreuse為基底,配以熱情果、香草糖漿、泰國辣椒、蛋白等等調製而成。入口感覺清香中帶少少辣,最特別係配埋佢專有嘅糖,薄荷綠色非常吸睛! LET’S SALSA(HKD118)基底係Ocho Blanco,配以牛油果、青檸、近期大人氣嘅芫茜同喜瑪拉雅玫瑰鹽。入口微微帶酸,感覺好清新,容易入口,女仔飲都無問題。 SMOKY HAZE(HKD118)Mezcal Alipus San Baltazar配羅勒、檸檬、鮮橙汁同龍舌蘭花蜜,酸酸甜甜嘅味道混和花蜜香氣,非常容易入口,唔會嗆喉,啱晒女仔怕酒精味道太濃。 KOKO SPRITZ(HKD109)以Lemongrass-Infused Koko Kanu為基調,配以薄荷、檸檬同梳打水等材料。睇落成杯黑色都幾型,薄荷同檸檬味道帶出清爽感覺,飲落夠晒Cool! I Know John 地址:中環威靈頓街33號The Loop 9樓 電話:2801 6555...

0

【最強中西合璧!神級廿四味Cocktail】Bao Bei

作爲國際大都會嘅城市,香港嘅文化同埋飲食自然趨向國際化。中環一帶洋人酒吧多不勝數,大多以洋酒為主打,略欠新意。位於雲咸街嘅Bao Bei卻別樹一幟,以「香港製造」為飲食概念,為客人提供多款有趣酒精飲品之餘,亦提供多款亞洲風味美食。喺Bao Bei每一口美食同特色飲品都可以深深感受得到何謂中西合璧嘅飲食文化。 以中式蒸籠裝飾牆壁,配合非常傳統木製門戶,微暗嘅現化感燈光,即刻體現到中國古老建築風格又帶有摩登感覺。 中西合璧的Remedy24(HKD118)為你味蕾帶嚟新體驗,廿四味苦澀同Cocktail結合出令人驚艷嘅味道!伏特加嘅微辣配上薄荷葉稍涼,再加入芒果蓉同杞子嘅甜意,入口溫和,令你淺嚐人生百味。 Mut-Cha(HKD118)抹茶諧音,的確有抹茶成份。用富有日本特色嘅玄米茶同煎茶的煙燻焦,茶香韻味十足,口感滑潤鬆軟,另外加上冧酒同白可可撘配,添上不同層次的甜味衝激感。 非常創新嘅嘗試Yakult Booster(HKD78),就咁睇會以爲係普通一支益力多,但其實係加入咗韓國燒酒,酒精味道相對較濃烈。 Mapo Tofu Fries(HKD88)薯條同麻婆豆腐嘅結合相當特別,將剁碎嘅豬肉同豆腐辣椒醬拌調,再鋪上一層芝士,每一口麻婆豆腐都有滿滿嘅芝士。下層薯條帶有點微焦,令口感更豐富,一口美酒配上一口美食,簡直酣暢淋漓! Bao Bei 地址:中環雲咸街77號嘉兆商業大廈地庫1號舖 電話:2801 7779 營業時間:星期一至六: 12:00-14:30 17:00-02:00 星期日: 休息

0

【無敵海景天台酒吧】SKYE

大拿拿耗資港幣三億元進行翻新工程,位於銅鑼灣嘅柏寧酒店以全新面貌示人。令人最期待的無敵海景吧SKYE最近開業喇!SKYE的室內設計將時尚、型格、前衛及現代藝術完美融合,佔地8000平方呎,為大家打造真正獨一無二的體驗。 除左靚景之外,酒吧特別呈獻一系列不論味覺同視覺都同樣出色嘅創意雞尾酒。由意大利調酒師Valerio Politano原創,將香港多元文化、不拘一格嘅獨特個性融入雞尾酒創作過程之中。呢杯Global b-ART-ender(HKD120)未飲淨係影相都包你呃到唔少LIKE啦! 由資深英籍主廚Lee Adams率領餐飲團隊,團隊成員均擁有多年於米芝蓮餐廳或著名高級食府的工作經驗,如香港四季酒店Caprice及L’atelier de Joël Robuchon於倫敦、香港及澳門分店。主打菜式方面就有多樣化嘅當代歐陸法式美食,以下係帶泡沫口感入口即溶的蕃茄他他(HKD130),望住都覺得吸引! 慢煮龍蝦(HKD370)搭配茴香天婦羅、青瓜香蔥油醋同香葉,配合得天衣無縫。 喺其他地方食完晚飯過來可以試下甜品,同樣出色!朱古力慕絲(HKD130)以軟滑的朱古力慕絲及海綿蛋糕,配上海鹽爆谷口味雪糕、焦糖爆谷同花生糖漿,女士們要試啊。 柏寧酒店 地址:香港銅鑼灣告士打道310號柏寧酒店27樓 電話:2839 3327 營業時間:星期一至五中午12時至下午2時半、星期一至日晚上6時半至10時半;每逢周末及公眾假期早上11時半至下午3時供應早午餐。露天酒吧營業時間為星期日至四中午12時至凌晨12時、星期五及六中午12時至凌晨2時。