Tagged: haribo

0

【送禮必備!朱古力控不容錯過】法國路易街

每到年尾,聖誕節、新年、農曆新年,一連串精彩節日一次過嚟晒,大把藉口同成班親朋好友見面吹吹水啦!12月大家一定煩緊交換禮物買咩好,想簡單而特別,可以跟住小編一齊去尖沙咀Rue Louis Blanc尋找獨家法式美味,佢地貨源全部都係來自法國,同一般我地喺商場見到嘅唔一樣㗎!同朋友仔一齊試下新口味,你一啖我一啖,一路食一路傾計就最開心! 天氣凍冰冰果陣,同親戚朋友仔一齊食朱古力就最窩心。唔知點揀好?可以試試Chevaliers D’ARGOUGES朱古力,香濃朱古力味道令冬日溫馨幸福感滿分。 Chevaliers D’ARGOUGES嘅朱古力圓形一片片,呢款黑朱古力--橙皮粒味,黑朱古力味道濃郁融化後帶點回甘,加上橙皮粒粒豐富口感,一塊一塊咁食好容易上癮自私食晒,識食一定係同朋友仔開心share啦!一班人狂搶就最開心! 大家見慣咗圓形嘅馬卡龍係咪覺得呢款水滴型,個樣有少少似史萊姆嘅馬卡龍好得意呢?呢款史萊姆型嘅FOSSIER朱古力馬卡龍有多種口味,其中呢款就係梨味,係咪同史萊姆一樣咁得意呢? 呢款馬卡龍上層好鬆脆,底層有一層薄薄嘅朱古力,享受完鬆脆口感之後仲可以感受到朱古力留喺口中嘅軟滑感受。     如果鍾意食酸酸甜甜味道嘅朋友仔,小編推介[N.A!*]NATURE ADDICTS Fruit Sticks,100%純天然水果條,而且絕無添加!健康又好味!小編特別推介士多啤梨味,因為佢唔似一般零食香甜得嚟假假地,反而似真正水果咁酸酸地,食落仲覺得果汁好豐富添!另外仲有紅桑子味同芒果熱情果味,鍾意食水果嘅大家一定要試下! 如果你身邊有班永遠滿足唔到嘅頑童,可以試下用法國版HARIBO嚟滿足佢地!法國版嘅HARIBO除咗食落口感更軟韌之外,仲有好多得意造型同埋口味㗎,想買禮物氹自己同氹朋友仔係咪好簡單呢! 延伸閱讀: https://goo.gl/1FByRG【集齊罕見haribo】法國路易街 Rue Louis Blanc 地址:尖沙咀美麗都大廈地下52號(近港鐵D2出口) 營業時間:早上10:00至晚上 8:00

0

【集齊罕見HARIBO】法國路易街

Haribo軟糖你無可能未見過!平時便利店或超市都一定見到,唔記得個品牌名,見到個樣都實認得喇啩。一般最常見到都係可樂糖同熊仔糖,德國進口。但小編最近收到情報,尖沙咀K11對面嘅美麗都大廈Rue Louis Blanc(路易街)發現各色各樣Haribo軟糖,款色超多,標榜法國直送? 法國華僑老闆Louis將法國名物引入香港,等大家可以食到法國傳統風味零食同餅乾! 原來Haribo喺歐洲10個國家總共設有15個生產基地,其中一個基地就係位於法國,而香港最大批發商主要由德國入口,所以我地平時唔會有機會買到法國版。但喺呢度想要咩味都有啦! 所有軟糖價錢大概HKD15-19,非常合理,深受一班OL及小朋友歡迎,好多捧場客長期入貨。 唔好以爲Haribo淨係出軟糖呀,老闆特別推介熱賣中嘅酸甜口味棉花糖,小編一試就停唔到口,即刻買左好幾包帶返公司同同事分享! 法國香檳區著名品牌MAISON FOSSIER粉紅餅(HKD98禮盒裝),來自擁有260年歷史法國最古老餅廠。時至今日,生産配方仍然保密!老闆話法國人最鍾意配合香檳食,食落感覺有啲似Tiramisu入面嘅手指餅。 小編買左盒粉紅餅返屋企,發揮小宇宙整左個芝士蛋糕。夾心同外面裝飾都用左粉紅餅,效果好好,感覺好浪漫。下次可以用黎整個粉紅tiramisu! Rue Louis Blac另一熱賣產品就係法國製造牛油曲奇!曲奇所有材料都係由法國本地供應,質素有保證。不同形狀,大小都有,想送俾咩對象都得啦。牛油曲奇價錢都好合理,大盒(HKD149);中盒(HKD129);小盒(HKD89) Rue Louis Blanc 地址:尖沙咀美麗都大廈地下52號(近港鐵D2出口) 營業時間:早上10:00至晚上 8:00