Tagged: hkfoodie

0

【遠離鬧市煩囂 樓梯上的咖啡小店】Common Ground

如果有一日假期,可能好多人都會選擇行街睇戲,但對小編嚟講,行街睇戲已經太疲累……其實一個假期,只需要一間咖啡店,一杯咖啡,就可以消磨一個下午。生活繁忙,一間好嘅咖啡店除左可以品嚐到高品質嘅飲品同食物之外,仲可以令自已身心放鬆,碰上咖啡店Common Ground,就帶比小編依種感覺。 富有歐洲風情嘅擺設,都係經由店主精心挑選出嚟。店內售賣各種手作同精品,每類寄賣作品各有特色,總有樣野你會鍾意。 望住山邊,慢慢令自己生活節奏放慢,調整自己心情重新上路,依間咖啡店的確有種魔力。 Scrambled Egg with Toast (HKD75) 炒蛋嫩滑而充滿蛋香,加上炒雜菇,令人垂涎三尺。多士經過烤焗,香草味散發晒出嚟,質感好鬆脆。沙律菜配上黑醋,酸甜嘅味道為整個組合帶嚟清新感覺。 Latte(HKD42) 咖啡奶泡打得好綿密,入口好滑而且味道香濃。咖啡飲到落底拉花圖案都無乜點變形,滿足晒視覺及味覺。 Common Ground 地址:中環城皇街19 號地下 電話:2818 8318 營業時間:星期一至五:10:00-19:00 星期六至日:09:30-19:00

0

鬧市神秘出擊!真 ‧ 香港搵食手機APP

今個12月,Too Full For Food除咗為大家帶嚟全新真.香港搵食手機 APP – BOGO HK,等大家可以親身體驗遍佈全港九新界,超過600個買一送一嘅餐飲禮遇之外,仲為你準備咗好多豐富節目,為你呢一年更添豐盛!Too Full For Food好開心終於可以走入鬧市街頭,喺網上平台以外見到大家!有Too Full For Food喺度,梗係會送美食比大家啦!嚟緊我地會同Prep Time合作,喺12月11日(星期日)嘅旺角,12月17日(星期六)尖沙咀同埋12月18日(星期日)喺旺角鬧市送出軟綿綿甜絲絲嘅即製棉花糖!大家見到我地記得同我地打招呼。 除咗送棉花糖之外,12月18日(星期日)仲會有神秘節目添呀!到時仲會派發《太飽喇!菜後報告》創刊號比大家,成本搵食指南喺手,搵食梗係更就手啦!好期待同大家見面呀,快啲過嚟搵我地啦! 太飽喇!Too Full For Food x Prep Time Roadshow 日期: 2016年12月10日(星期六)、12月11日(星期日) 時間:15:00-19:00 地點:旺角 送比你:即製棉花糖 日期:12月17日(星期六) 時間:15:00-19:00 地點:尖沙咀 送比你:即製棉花糖 日期:12月18日(星期日)...

0

【滋味石窯手烤薄餅】Pizzeria Bar NAPOLI’S

提起日本菜,你可能會諗起壽司、魚生、拉麵、烏冬、甚至甜品,其實想食到日本風味,就算係食Pizza都食到㗎!尖沙咀Pizzeria Bar NAPOLI’S,揉合咗日本口味落去Pizza,變成一種自成一格嘅風味,係咪即刻想試下呢? 本身裝潢就以BAR枱為主打,俾客人除咗叫野食之餘,仲可以收工得閒落黎CHILL一CHILL! 首先就係Chicken Grill With Rosemary Flavor (HKD95),用迷迭香作為主要調味料,之後現場即烤,最後加上濃厚嘅醬汁,食落去油汁滿瀉,滋味十足。 作為前菜,依碟Assortment of 2 Kinds of Sausage, Prosciutto & Salami (HKD110)嘅份量都算好多,佢選用多過一種西方特色腸,除此之外,再加上帕爾馬火腿同臘腸,幾款食物嘅口感特別有層次,岩曬啲想一次過想試下好多前菜嘅人士。 雖然佢地出名嘅係Pizza,但其實Pasta都不容忽視,Bolognese with Meat Sauce(HKD80),佢選用tagliatelle寬麵,比起普通意粉,寬麵口感更為突出。醬汁運用鮮蕃茄調配而成,純粹蕃茄同肉香,足以銷魂。 之後Penne Gorgonzola(HKD 65)對小編黎講其實比較陌生,從未食過類似嘅意粉,Gorgonzola本身係一種藍徽芝士,味道上帶點刺激嘅奶酪味,絕對係一種強烈嘅味道。作為主材料,加上長通粉,長通粉嘅筒道包含住芝士汁係入面,令每啖意粉都包念濃郁芝味,實在想一試再試。 講左咁耐其他野,其實邊少得Pizza呢,Funghi(HKD90)作為素食者絕對一大喜訊,加上大量蘑菇,配上水牛芝士同番茜,由於Pizza用400度高溫嘅窯烤焗而成,而且即叫即烤,食落去外片脆口,而且相比其他坊間Pizza,依度用料同製法比較新鮮同傳統,味道比較天然。 相傳Margarita(HKD 70)嘅起源,係其他國家嘅王后造訪意大利,該國主廚為佢精心製作依款,並以它命名,王后食後讚不絕口。小編都拿拿臨食咗先算。Pizza由傳統意式蕃茄醬、馬蘇里拉芝士同蘿勒做成,係素食Pizza。當中蕃茄醬味同芝士味十分配合,味道不錯! Pizzeria Bar NAPOLI’S 地址:尖沙咀寶勒巷9-11號和益中心地下A鋪...