Tagged: icecream

0

【營養師解剖五大冰品 100%水果棒健康度滿分】懶健康貼士

每個屋企嘅雪櫃到咗夏天一定有雪糕、雪葩或者雪條呢類冰品。雖然食得多凍嘢對身體唔好,但真係熱到好難頂,惟有揀質素好啲嘅冰品啦。註冊營養師Moses比較咗市面唔同製法嘅冰品,話你知邊種製作方法健康啲!   傳統美式雪糕(American Style Ice Cream) | 健康程度: 1 星 傳統美式雪糕嘅基本材料係奶油、牛奶同糖。呢啲係製造雪糕好重要嘅材料,因為牛奶同奶油嘅脂肪可以穩定雪糕嘅結構,令雪糕更加香甜同滑身。不過同時亦增加唔少熱量,而且奶油同牛油屬飽和脂肪,攝取過多會增加患心血管疾病嘅風險。 建議: 買之前先睇營養標籤,盡量選擇較低脂或少糖嘅牌子。 食迷你版雪糕控制分量,例如Dreyer’s Collection Mini一枝約137卡路里。   乳酪雪糕 (Frozen Yogurt Ice Cream) | 健康程度: 2 星 雖然聽落去乳酪雪糕好似比傳統雪糕健康,但唔好跌入呢個陷阱呀!因為乳酪雪糕用較多脫脂奶品,所以總脂肪比傳統雪糕較低,但係糖份會偏高,屬高糖食物。以一茶匙5克糖計算,每100毫升裡面已經有高達4茶匙糖份,導致熱量都偏高㗎。   雪葩 (Sorbet) | 健康程度: 3 星...

0

【素Pizza輕食新口味 黑蒜羽衣甘藍香氣逼人】PizzaExpress

喺銅鑼灣行街睇戲食飯,有時都想輕食得嚟又食好啲。去時代廣場嘅PizzaExpress都係好選擇,仲發現佢哋都幾多素食添。 環境好開揚,又可以睇住師傅整Pizza,香氣飄飄,未食已經引到你口水流。 頭盤意式焗肉丸(HKD68/一客;HKD103/兩客)幾彈牙,配嘅麵包外脆內煙韌,好有口感,配埋肉丸嘅茄醬好惹味。 黑蒜羽衣甘藍薄餅(HKD138)係意想不到嘅甘甜惹味!雖然主料係黑蒜同羽衣甘藍,唔係落咗好多香草,但一上枱就香氣逼人,引到隔離枱都想食。13″嘅Size都幾大,不過素菜又唔會令你覺得滯,女仔食都唔怕肥。 意式野菌蝴蝶粉(HKD128)分量足,蝴蝶粉煮得幾彈牙,淋咗少少松露油增加香氣。汁嘅幼滑程度啱啱好,味道算清而不膩。 另一驚喜係意式無花果乾咖啡蛋糕(HKD68),無花果有少少糖漿包住咁,一啖連埋雪糕、蛋糕同熱咖啡一齊食,冷熱交融嘅口感真係好令人大滿足,仲要唔會好甜,真係超好食! PizzaExpress 地址:銅鑼灣勿地臣街1號時代廣場12樓1203號舖 電話:2506 0688 營業時間:星期一至日:11:30-22:30

0

【平價歎日本直送魚 店主勢要攻入米芝蓮 】 口口口

就咁睇以為亂碼出唔到字,喺西環嘅口口口,其實係代表一個品字,食物有品質、廚師有品質同時食客都一樣有品。最特別嘅係每次嚟到口口口,就算嗌一樣嘅餸,店主兼廚師阿威都會有新嘅設計,充滿新鮮感。 80後嘅阿威由開髮廊轉行開餐廳,依家訂立目標一年後要打入米芝蓮,可以話係好大決心喎!開業2個月以嚟已經吸咗唔少客,店主阿威仲話想打造一個深夜食堂,同客人互相分享故事。座位雖然唔多,但正正就拉近咗同食客之間嘅聯繫。 以慢煮形式保留魚嘅鮮甜同嫩滑嘅東洋四重奏(HKD150),用咗日本直送嘅油甘魚、金目鯛、紅魚同鯖魚。小編一向最驚係食鯖魚好易有腥味,呢次一試,除咗無腥味,慢煮方便保持濕潤,口感仲好結實。 嗌親牛肉飯都知,牛肉乾晒乃兵家常事,呢款日本熊本牛肉粒粒飯 (HKD60) 除咗牛肉夠晒Juicy,仲帶有少少微辣,白飯都用返日本米,從一而終嘅日本菜,價錢咁貼地,仲唔快啲去試! 一路炒一路聞到香味嘅日式石斑海膽炒飯 (HKD60),飯同海膽嘅組合就經常出現啦,店主加入咗石斑,食落更加帶出石斑嘅鮮甜。小編食嗰陣仲用紫菜包住啖飯咁食,食落又有啲似手卷,不過店主次次擺盤都唔同,唔知下一次又有乜驚喜呢? 甜品一樣夠晒free style,日本抹茶雪糕蛋糕 (HKD30),一次過滿足你三個願望,底層係原味蛋糕,夾層用咗雪到硬晒嘅忌廉,最後用唧嘴將抹茶雪糕放係頂層,口感豐富仲平衡咗忌廉本身嘅甜膩。 口口口 地址:西環屈地街32號地下 電話:6680 1337 營業時間︰星期一至日 11am-9am(星期二休息)

0

【開幕率先試食 首創榴槤雪糕重口味?】日本雪糕物語

尖沙咀嘅日本雪糕物語今日開張,小編打頭陣,幫你睇吓有咩必食雪糕啦!日本雪糕物語今次特別引入咗日本大熱嘅CREMIA系列雪糕,甜美水果系JAPAN PREMIUM清新水果雪糕同日本濃厚口味嘅NISSEI軟雪糕。除咗軟雪糕仲有熟食喎,玖子貴開埋喺舖內,食完鹹嘢再食甜品,掂晒!邊款最好食?即試! 打頭陣梗係香港首創金枕頭榴槤雪糕(HKD45),雖然表面淨係落咗啲榴槤粉,唔係成個都係榴槤雪糕。不過食到落口榴槤味都幾重喎!就算食完面嗰層粉,食到落尾啲雪糕都仲有陣榴槤味,唔會好似食原味咁,如果多啲粉就更好啦! 除咗榴槤,期間限定嘅金箔雪糕(HKD88)都好正喎,真係成張金箔放晒落去,唔怪得賣到咁貴啦!其實金箔係冇味嘅,得個樣,相機食先都夠啦! 到JAPAN PREMIUM清新水果系列嚴選日本士多啤梨(HKD32),真係好清新!唔會話好死甜味道好假,食落啱啱好。唔想食咁濃味嘅雪糕,呢個啱晒! 至於日本濃厚口味嘅NISSEI軟雪糕,小編就試咗兩款睇得又食得嘅靚靚雪糕。皇牌朱古力配朱古力雞蛋仔餅(HKD39)食落朱古力味十分濃郁,仲帶點甘香,好好食喎,而且外面啲脆脆同雞蛋仔除咗係裝飾,食埋落肚都仲得㗎! 另一款皇牌朱古力×特選宇治抹茶配朱古力蝴蝶(HKD39),呢款完全冇得輸,小編最愛呀!抹茶味超級香濃,再加埋朱古力簡直雙重享受!最特別係佢出面啲脆脆原来係爆炸糖嚟 ,炸到小編心心眼囉! 講完甜品,佢嘅鹹食都正喎!店員推介釀北海道松葉蟹蓋(HKD58/件),用咗北海道松葉蟹肉同魚肉釀製,口感有啲似食緊獅子狗,食落真係有蟹肉喺入面!仲要係期間限定,想食就快手喇!   日本雪糕物語 地址:九龍尖沙咀金馬倫道8號地下 電話:2797 9967 營業時間:星期一至日:11:30-23:00

0

【甜品新變法 水果加中式茶絕配潮食】2DP

甜品店2DP係厚福街嘅新力軍,個名好特別?其實係2 Decimal Places嘅縮寫,意思係講求精準,就好似店內每一味食物嘅煮法都好精準囉!雖然話係食甜品,但原来到有新玩法,就係以調酒嘅概念,將水果加入中式茶嘅配搭,而2DP對茶底嘅要求仲非常高,全部茶底都由三百年歷史古樹嘅採摘。難怪連上屆港姐冠軍馮盈盈同美容瑜珈達人倪晨曦都係2DP嘅常客啦! 以開放式廚房嘅設計,俾客人可以睇到員工做茶嘅每一個步驟,唔係用茶粉去沖沏,而係用真正茶葉沖沏。簡潔嘅配色,更加睇得出佢哋認真嘅態度。 睇落似士多啤梨,原來係火龍果乳酪冰 (HKD46),用咗紅茶做配搭,火龍果味好清新,完全冇諗過原來紅茶都可以咁樣配囉,啱晒女仔一邊打卡一邊歎茶。外賣仲會平啲添呀,行完街快啲去飲返杯繼續作戰。 香滑嘅焦糖燉蛋伴意式鐵觀音(HKD63),焦糖燉蛋可能冇乜新意,但Gelato鐵觀音你又試過未?只有香濃嘅茶香,仲幫中國茶飛甩老套,變成一味咁潮嘅甜品。 為咗推廣健康嘅素食生活,2DP自家製素漢堡配蕃薯(HKD88),炸蕃薯條食落唔油膩之餘,素漢堡係用咗藜麥、紅菜頭、蓮藕幾種唔同嘅材料造成,連包都係自家製造。除咗顏色,連口感都非常相似,應該連食肉獸食咗都唔知係素食。 仲有新推出嘅觀音冰(HKD82),鐵觀音Gelato配上綿綿冰沙,仲用埋充滿香港特色嘅公雞碗,夠晒新意! 2DP – 2DecimalPlaces 地址: 尖沙咀厚福街12-12A藍馬商業大廈地下 電話: 3705 9590 營業時間:星期日至四12:00-00:00 : 星期五至六12:00-01:00

0

【潮拜中環十層海膽杯 OL熱捧甜品式居酒屋】S2 Kitchen

一講居酒屋就會諗起傳統燒物,但中環嘅S2 Kitchen就將海膽同整甜品嘅意念融合埋一齊,創造出一個新飲食風味。 餐廳有多款非市面可以買到嘅清酒俾客人點選,再用返清酒樽做裝飾,都幾雅致㗎。 皇牌十層海膽杯(HKD398)嘅材料全部都來自日本,而重點當然係每朝由日本拍賣場投返嚟嘅北海道紫海膽,有上、中、下三層咁多㗎,而其他層數嘅材料就有機會因應季節或味道而調節。第一啖將頂頂嘅海膽、黑魚籽同沖繩海葡萄放喺香口嘅燒白飯魚脆片上面一齊食,味道會濃郁啲,但仍保留到鮮味。之後就考小編功力喇,因為要一羹潷到落杯底,一次過食鮮甜藍鰭吞拿拖羅、白蝦同蟹葉蟹肉,不但唔會搶對方嘅味道,反而令口感更加滑,鮮海帶仲增添甜味同海水味,層次更加豐富。  三文魚他他海膽沙律(HKD138)令人意想不到嘅組合,他他醬同海膽加埋令鮮甜度升級,而三文魚夾香梨、車厘茄、沙律菜同薯仔一齊食,清甜爽口,fresh到無與倫比。用埋專用木叉食,特別有風味。  S2特色海膽火焰卷(HKD148)碟底係滲咗白蘭地嘅鹽,一點火就會燒30秒左右,要影相就快手喇!呢個菜式主打健康意念,用一隻雞蛋打出十份沙律醬,就算一個人食晒全板壽司都唔會肥。帶子同海膽入口即溶,新鮮度爆晒燈。如果鍾意食辣,可以加一片薑已經好夠味喇。 無論你點鍾意食海膽,都未必諗到海膽雪糕(HKD88)呢個idea,味道有少少鹹,熟咗嘅海膽又好似蟹子咁一粒粒咬落去會爆開,幾得意吖。 S2 Kitchen  電話:2885 8803 地址:中環威靈頓街51號地下A舖 營業時間:星期一至日:12:00-01:00

0

【潮人必試混血菜式 港島TOP3南美日系餐廳】El Mercado、DJAPA、PICADA

每當講到南美菜,多數人諗起墨西哥菜,但秘魯同巴西菜都不容忽視!上世紀好多日本人飄洋過海去南美呢片大陸揾食,將和風飲食文化融入當地,所以佢地都會食刺身㗎。喺港島區有幾間高質南美餐廳,唔去就走寶喇!   灣仔有兩間南美餐廳,El Mercado主打秘魯菜,一入門口嘅bar檯已經裝飾到好夏日奔放,即刻人都精神啲,開心啲。壁畫仲將秘魯同香港嘅風景融合,好有親切感。 Hot Salmon(HKD248)並唔係咖喱汁煮,而係用咗黃辣椒連埋木薯同玉米BB一齊煮。佢嘅辣好低調,平時唔食辣嘅朋友都可以一試,個汁仲酸酸尾尾好開胃添。脆過薯片嘅零脂肪日式香燒雞皮係成個菜式嘅靈魂!鹹香味配酒一流!蒸三文魚肉質嫩滑,一啲都唔腥。 Tuna Tataki(HKD168)嘅吞拿魚輕輕煎過4邊,裡面仲係刺身質感,醬汁有啲似泰式酸酸甜甜嘅味道,但質地無咁稀。連埋清甜嘅牛油果一齊食,不但無搶走吞拿魚嘅鮮味,仲令口感更加滑添。 El Mercado 地址:灣仔軒尼詩道239號21樓 電話:2388 8009 營業時間:星期一至日: 12:00-15:00;18:00-11:00   第二間就係主打巴西菜嘅DJAPA,呢度好多畫全部都係畫!直頭係一間高級藝術畫廊,因為隨便一個畫作或藝術品都價值過百萬,而且仲可以近距離咁睇添!草間彌生嘅南瓜、村上隆嘅骷髏頭等等,幾個藝術家嘅畫作融合一齊唔會突兀之餘,反而仲覺得咁先係完整,而且色彩豐富得嚟唔會令人頭暈。 老闆話佢地酒櫃嘅威士忌款式多到係全世界No.1,有啲仲係飲晒就無,愛酒人士值得嚟尋寶呀! Blushing Geisha(HKD128)個名咁性感,餐廳就設計到用飲管繞一條新嘅sexy底底包住杯飲品,餐廳仲一定要你帶走㗎。飲管要篤穿杯頂嘅冷塊先可以飲到,入口第一下酒味都有少少嗆,不過當中嘅果味令成個感覺平衡返都唔錯。 新出嘅Hot-rock Coconut Dashi(HKD88)用shabu shabu形式上檯,啲日式蔬菜圍到好似花環咁靚,椰子湯一倒落去中間嘅熱石會令蔬菜圈飄下飄下。提提你唔好掛住影相,因為10分鐘左右個湯開始變涼,咁就燙唔到嫩滑嘅厚切A5和牛㗎喇。湯汁清甜零油感,唔會杰身唔會起泡,飲曬成碗都好潤喉。仲有流心鵪春蛋一定要食,蛋黃汁比雞蛋更加滑㗎。 DJAPA 地址:灣仔皇后大道東200號利東街地下G18-20 及 F18A號舖 電話:2617 2900 營業時間:星期一至日: 11:30-14:30;18:30-02:00   喺中環蘭桂坊附近嘅秘魯菜餐廳PICADA充滿拉丁風味,平日夜晚會教人跳舞添。餐廳好多吧檯,唔一定食正餐先嚟,飲杯吹水都好舒服。...

0

【呢個夏天不怕熱 勁玩冰涼雪糕Party】the pulse

知唔知7月有咩咁特別?7月係雪糕月,世界各地都會舉辦大型雪糕Party,今年夏天都想瘋狂食雪糕?淺水灣the pulse 商場由即日至8月31日都會舉辦 Endless Summer Ice-Cream Festival,每個星期都會推出唔同主題嘅玩味雪糕,推出超過30款嶄新口味、造型夠Sharp夠呃Like,滿足大家想試新嘢同打卡影相嘅慾望!場內設6大雪糕主題區,夜晚商場仲會變成「仲夏夢放映館」,大派「夢想味」雪糕。加上商場仲係Pet Friendly,仲會有埋寵物消暑雪糕同攝影專區!大人、細路、主子們都有得食有得玩! Endless Summer Ice-Cream Festival入面有3大雪糕主題:「估你唔到味」、「外貌呃Like協會」、「香港代表隊」。聯同多個品牌合作,好似Make it、Ice-Cream Gallery、Ice’Licious 、DOLCI 2/3、媽咪雞蛋仔、Limewood、Amalifitana、 Chicken on the ru等等都有,創作出超過30款嶄新口味、造型雪糕! 入面仲特設6大雪糕主題區,最啱口味吧,大家可以自選不同口味雪糕雪條,配搭多款配料,創作完全屬於你、最啱你口味嘅雪糕雪條。 大家可以瞓喺被雪糕包圍嘅泳池,喺「粒粒雪糕」同「軟雪糕」組成嘅Fizzing pool「暢泳」,又靚又好玩。Fizzing Pool入口,仲有個Melt Your Heart裝置,嚟到可以打個卡。 食甜品可以令人開心,場內仲有個Chilling Zone用咗人見人愛嘅雪糕堆砌出嚟,為大家加油打氣,品味生活中嘅小確幸。 商場夠晒Pet Friendly,得寵站好細心咁準備咗適合主子們食嘅雪糕,等主子都可以一齊喺炎炎夏日降下溫,試下透心涼嘅滋味。得寵站入面仲有兩大雪糕主題場景,可以拍攝多個搞鬼造型照。 最後有仲夏夢放映館,隔周末就會播放以夢想為主題嘅電影。頭30位進場觀眾仲可以免費獲得一杯象徵夢與想嘅獨角獸「夢想味」雪糕,一邊食雪糕一邊欣賞電影。 小編提提你,逢星期六、日會有免費穿梭巴士接載大家往返海洋公園港鐵站同the pulse,由金鐘到淺水灣只係需要15分鐘咋。如果喺the pulse消費滿HKD1000,憑電子發票可以免費換領「Endless...

0

【玩爆食物名 勁搞鬼文青cafe】聚福樓 Joy Food Lounge

想輕輕鬆鬆食返餐,小編有好介紹!就係屯門嘅聚福樓啦,睇名以為係茶樓?唔係喎,其實係一間Lounge嚟。事源店主岳父曾經喺澳洲開過一間餐館叫做聚福樓,加埋Joy Food Lounge做英文名夠晒大反差,又突顯到小店大玩Fusion嘅特色! 店外嘅一棵大樹係佢地嘅標記,好多人嚟到都會打一打卡先㗎。 店內嘅裝飾都係店主去旅行嘅時候搜集返嚟,都係圍繞住大自然做主題。 店主係一個好鍾意玩嘅人,所以菜式名全部都改到好搞鬼!小豬仔好慢好慢咁去打排球(HKD228)就係燒豬肋骨啦。豬肋骨經過慢烤,已經全部離骨,食落好滑,順帶一提,底下果啲係蕃薯條嚟㗎。 聚福樓大晒健康沙律(HKD138)香港人飲食習慣都係偏向多肉少菜,就咁食個沙律已經算健康。不過呢個沙律將健康升多級,有埋杞子、藜麥、燕麥等等多種健康食材,仲配埋乳酪比你添! 炸炸諦!蕃薯仔(HKD88)甜甜嘅炸蕃薯條,本身已經夠晒得人鍾意,再加埋廚師特別調製嘅芝士醬,香草同杏仁,食落加倍脆口同惹味! 窩夫甜甜(HKD128)自家製雜莓醬配埋鬆軟窩夫,再加埋人氣Mövenpick焦糖雪糕,幾樣野交織埋一齊,真係甜到入心。 提提你,逢星期四仲可以嚟聽下人地唱Live,加倍享受呢一餐添! 聚福樓 Joy Food Lounge 電話:9751 3386 / 2362 6968 地址:屯門青善街28號康景花園地下1號舖 營業時間:星期一至日:11:30-10:00

0

【生果多到滿瀉 首爾大熱水果BON BON】Café de Paris

喺韓國一度風靡全城嘅鮮果沙冰店Café de Paris,上年駐入香港銅鑼灣,同樣成爲少女們嘅潮聖熱點。小編好奇點解會叫Café de Paris,原來係創辦人喺法國留學時結識到太太,之後兩人想將呢份浪漫甜蜜帶返韓國,造就呢間好Sweet嘅Cafe。店舖以海外新鮮空運生果Bon Bon為主打,現時有士多啤梨、芒果、青提子、車厘子四款生果口味,店舖亦將推出不同新口味,好期待添。 店內裝潢同韓國本店相似,簡潔白色牆身配上落地大玻璃,陽光折射入黎,感覺好舒適自在。再加上白色小圓檯配搭藍、紅、白色凳,每張檯上仲放有好可愛嘅巴黎鐵塔擺設,作拍攝道具最適合啦。 士多啤梨杯 (HKD128)係呢度嘅熱款Bon Bon杯,面層鋪滿大量由韓國新鮮直運到港嘅士多啤梨,粒粒都好大粒,而且香甜多汁。cream入口相當幼滑,就連怕肥膩嘅小編都忍唔住食多幾啖。食到中間部分仲有冰涼士多啤梨沙冰,就算士多啤梨沙冰都係韓國直運鮮果醬再人手後製嫁。整一杯士多啤梨杯看似簡單,但其實無論係食材定份量都好講究。 熱賣款仲有青提杯(HKD88)提子形成一個小山丘,驟眼睇應該有20~30粒提子,好震撼。提子係美國直運,粒粒青提似乎都有精心挑選過,食完成杯都無粒係唔新鮮嘅。 店主好貼心,因應唔同客人需求,仲特別推出Mini Size嘅生果杯,同樣有士多啤梨(HKD68)、芒果(HKD58)、青提(HKD48)口味,細細杯最啱小朋友啦。 想飲杯野解渴,咁就要試下呢杯西柚汁 (HKD58)杯頂係一大片西柚,你可以一邊飲下面嘅西柚汁,一邊拮埋啲西柚肉食。入口味道酸中帶甜,相當醒胃。 Cafe de Paris 地址:銅鑼灣登龍街18號V Point地下5號舖 電話:6436 2181 營業時間:星期一至日:12:30-22:30