Tagged: #LCX

0

【全港首創韓式打邊爐】The Joomak

開始真係感受到股寒意,又係打邊爐既好季節!The Joomak推出全港首創既韓式火鍋,有兩種足料火鍋俾你揀。有法國春雞人參湯底或者大蜆泡菜羅宋湯底,出面都極難搵到用料咁足又特別既湯底!成個火鍋以套餐形式上菜,每份都係2人分量,全部都係特選材料,又質素先合格放入個menu,非常用心。 呢個龍蝦豐盛拼盤(HKD498),包括超新鮮生猛龍蝦,真係無花無假,放到上檯面都仲識郁。如果唔食龍蝦可以轉做1++級數既頂級韓牛!仲有豬腩片、美國肥牛、大蜆同大大束羽衣甘藍,樣樣野都夠晒矜貴。 另外仲有The Joomak自家製泡菜墨魚滑同泡菜鯪魚滑好特別!仲有打邊爐唔常見既水晶冰菜,菜面佈滿好似露珠既細胞,得意新奇得黎,營養價值又高。配合埋低脂豆結、五蔬豬肉腸、翠肉瓜、甜粟米、南瓜、紫薯等等,超豐富。 放完個龍蝦入去湯底之後令鮮味更升級,真係不得之了。 有個咁正既湯底,又多人一齊share,可以考慮叫多個素菜拼盤(HKD108)。拼盤主角雪耳要重點介紹!係本地有機雪耳,大過隻手掌,真係好誇張。 雲耳索晒個湯底黎食,好滿足! 呢個貌似炸魚皮其實係紫菜米漿片,同樣浸入湯底食超正! 食完個火鍋之後,都未完嫁!可以追加個芝士紫菜飯添。個飯係會用到你打完個邊爐一部份湯底煮出黎,味道非常豐富。 店員全程會喺你面前煮,首先將白飯、芝士同紫菜加入去個湯底度,一路攪拌。 煮到好似意大利飯咁既濃度就ok!可以因應你要求調整濃稠度。 食用前加埋芝麻更香! 小編好欣賞佢地茶類飲品,成個盤咁樣送上黎,好靚好有心思啊。 The Joomak 地址:尖沙咀廣東道17號海港城海運大廈3樓LCX 34號舖 電話:2111 0851 營業時間:星期一至日: 12:00-22:30