Tagged: #Mui Mui家政課

0

【父親節茶饌懶人包 輕易煮出日式茶漬飯】mui mui家政課

上個月母親節,mui mui教大家整咗2個花系料理;依家輪到父親節,一於以茶入饌,用綠茶同埋烏龍茶,炮製日式三文魚茶漬飯同埋烏龍茶西米布甸,送俾我哋嘅「超人爸爸」啦! 日式三文魚茶漬飯 材料與分量: 三文魚塊(細) – 1件 白飯 – 1碗 綠茶/玄米茶包 – 1包 水 – 300毫升 日本醤油 – 1茶匙 味醂 – 1茶匙 茶漬飯味素 – 1包 做法: 1. 平底鑊落油,燒熱鑊。下三文魚煎香兩面,拆絲備用。 2. 300毫克水煮滾熄火,放入茶包,浸泡至出茶味,約十分鐘。 3. 茶包出味後,拿起棄掉,開火煮滾,再放入日本醤油和味醂。 4. 碗內依次放入白飯、茶漬飯味素同三文魚。...

0

【花生醬點止淨係搽麵包 整曲奇變沙律一樣掂】mui mui家政課

花生醬係唔少人屋企嘅必備食材,不過大部分人通常都係用嚟搽麵包。有無諗過,其實花生醬都可以變出好多唔同美食呢?4種材料就整到花生醬曲奇?花生醬變沙律汁又係咩感覺?一於跟住mui mui用花生醬整另類美食啦! 花生醬曲奇(約20塊) 材料與分量: 花生醬 – 220克 糖 – 30克 蛋 – 1隻 麵粉 – 15克 做法: 1. 花生醬、糖、蛋拌勻。 2. 加入麵粉拌勻。 3. 拿適量麵團, 用手搓成圓球, 放上焗盤,用叉將麵團輕壓紋。 4. 放入已預熱180度的焗爐焗12分鐘。放涼,完成! 花生醬香煎魚柳沙律 材料與分量: 比目魚柳 (或任何魚柳皆可) – 1件 混合沙律菜...

0

【集齊5樣調味大混醬 超簡易零技巧數字排骨】mui mui家政課

新年啱啱過咗,唔知大家有無一展廚藝大宴親朋呢?唔好以為mui mui煮飯有一手,其實都要靠懶人食譜喺手㗎!今日就教大家整呢個數字排骨,就係細細個mui媽教落嘅,只要識數1-5,煮呢個餸無難度呀!快啲抄低材料分量,一齊速煮速食啦! 材料與分量: 一字排 – 300g 紹興酒 – 1湯匙 白醋 – 2湯匙 糖 – 3湯匙 豉油 – 4湯匙 水 – 5湯匙 做法: 1. 煲滾熱水,下一字排燙3分鐘出水備用。 2. 燒熱煲,放一字排爆一陣。 3. 把混好的調味料倒入鍋內,中火滾起,轉小火炆15分鐘,熄火;焗30分鐘,重複炆焗步驟2次。 mui mui小Tips – 排骨可以早一日整定,隔日食返就仲入味呀! – 如果肉仲未夠鬆軟,可以繼續重複炆焗步驟直至你喜歡嘅口感。...

0

【砂窩雲吞雞唔使出街食 豆漿幫你煮出正宗味】mui mui家政課

Mui Mui由細到大都好鍾意食砂窩雲吞雞,貪佢有菜有肉之餘,仲可以飲埋佢個奶白色嘅精華湯,飲完即刻覺得滋潤晒!不過依家有得食呢道菜嘅餐館唔多,價錢仲要唔平!Mui Mui千方百計下終於研究出簡易食譜!做法簡單、材料又唔貴,重點係落啱食材就成功令湯底都變埋奶白色添!無論懶人定新手都要收藏呢個食譜啦!   材料與分量:  雞髀 – 2隻  金華火腿 – 2片  紹菜 – 1棵 (白菜仔,娃娃菜都得)  雲吞 – 12粒  無糖豆漿 – 300毫升  鹽 – 適量   做法: 1. 煲滾熱水,下金華火腿及雞髀出水備用。 2. 紹菜洗淨後切段成約5CM長備用。 3. 準備另一個乾淨鍋,倒入水,滾起後下已出水的金華火腿及雞髀大滾半小時,轉中細火再慢煮1小時,下少許鹽調味。 4.下紹菜,細火煮15分鐘,之後再下豆漿,若喜歡更香奶味可自行增加豆漿分量。 ====以下步驟可於上桌前才進行====...

0

【常備蜜糖茄汁辣椒醬 隨時煮出惹味水牛雞翼】mui mui家政課

相信大家身邊總會有雞翼控,mui mui對於雞翼雖然未去到瘋癲程度,不過對於美式水牛雞翼就情有獨鍾,鍾意佢酸酸哋又辣辣哋好過癮!不過呢個美國菜喺香港唔係度度有得食,心癮起點算好?等mui mui教大家一個方法,只需3種調味料就整到喇! 材料與分量: 調味料: 雞翼 —– 12隻 黑胡椒 —– 適量 鹽 —– 適量 水牛醬: 蜜糖 —–  2湯匙 茄汁 —– 3湯匙 辣椒醬 —– 3湯匙 牛油 —– 10克 做法: 1. 洗淨雞翼,瀝乾水分。 2. 加入調味料,放入已預熱200度的焗爐焗30分鐘至全熟。 3. 蜜糖,茄汁,辣椒醬先混合備用。...