Tagged: spicy

0

【貴陽麻辣味】牛肉粉

鍾意食辣既一定對十二味唔會陌生,十二味旗下已經開左4間分店,每一間都主打不同既菜色!今次想介紹既係銅鑼灣十二味貴陽牛肉粉,自開業以來都得到好多好評,當然要試下! 小店採取半自助型式,入門口先去右邊點菜,之後就會有人將你點既野送到你檯上。位置唔算好多,但企企理理,乾淨衛生。 牆上面貼滿好多客人既照片同埋食後感,所有人都有贊無彈! 首先試既係紅燒牛肉粉 (HKD56),牛肉粒好有嚼口亦都非常入味。牛肉骨煲左個鐘頭嘅湯底,未算好濃味,但有提示建議加入醬油同醋,即刻變得更香!可以再喺湯底加入辣椒粉同香麻粉,再升級去到另一個境介,一樣好食。 再點多個辣既銷魂涼麵(HKD42),夠晒銷魂,味道好重,好多香料做得唔錯,仲好大份添! 每張檯都會有個不溫馨提示,好搞鬼。 十二味貴陽牛肉粉 銅鑼灣謝斐道379-389號特麗樓地下9號舖 星期一至日: 11:30-21:30