【精選6大特色月餅推介 2020早鳥優惠慳家合集】月餅
八月十五愈來愈近，中秋節實要食月餅應節啦！小編搜集咗6大特色月餅推介俾大家。除咗有傳統月餅之外，流心月餅、純素月餅款式有伯爵茶、黑芝麻等多款創新口味添；有啲仲配埋曲奇烘焙套裝、飛行棋俾大家玩，真係創意無限呀！中秋就算要Stay home都唔怕冇節目。快啲襯依家有早鳥優惠訂定啱心水嘅月餅啦！
Tagged: tfff
【Chill遊西九文化區食足全日 懶人野餐+全海景歐亞菜】Local自駕遊
西九文化區可以話係近期嘅文青集中地，雖然疫情令唔少文化活動暫停咗，不過呢度開始愈嚟愈多特色餐廳進駐，又有大片草地可以俾你邊吹海風邊野餐，最啱周末同朋友、情人、家人嚟放空啦！ 新推懶人野餐組合 喺西九文化區自由空間嘅留白LiveHouse係由本地手工啤酒品牌麥子同一班音樂愛好者創立嘅特色餐廳，可以話係集音樂、美食、手工啤酒、咖啡於一身嘅地方，平時定期會有駐場音樂人、文化工作者喺度演出。而喺疫情期間呢度雖然就暫停咗現場音樂演出，但係佢哋都有新搞作㗎！ 想野餐又唔想拎住一袋二袋，就可以試吓佢哋最近新推嘅外野餐盒Set(HKD288/兩人份)喇。成個Set有齊炸雞薯條配黑松露醬、各款沙爹串燒、甜品同飲品。除咗個木餐盒之外，仲齊幫你準備埋啱晒Feel嘅紅白格仔野餐墊，咁就可以兩手空空去野餐啦！不過記得野餐後要交還返個餐盒同餐墊俾餐廳呀。 留白 地址：尖沙咀西九文化區自由空間地舖 電話：2868 4333 營業時間：星期一至四：11:00-18:00、星期五至日：11:00-21:00 藍染cafe Chill住歎啡 唔野餐都有其他選擇嘅，呢間藍染主題cafe唞唞就好受文青歡迎喇。呢度可以隨你喜好自選咖啡杯同咖啡豆，而咖啡價格就視乎選用嘅咖啡豆而定，連咖啡都可以Tailor-made！ 而店內亦有少量食物供應，連和牛三文治(HKD318)都有添，隔住個mon都流晒口水呀！ 唞唞 Rest Coffee Gin 地址：尖沙咀西九文化區藝術公園地下GF-04號舖 電話：2697 8938 營業時間：星期一：12:00-19:00，星期二至日：12:00-00:00 飽覽西九夜景歎法菜 Hea到差唔多開始肚餓？想食得好啲，不如去同樣都喺西九文化區嘅PANO食餐豐富嘅法國菜啦。呢度幾乎可以睇到全維港海景，餐廳嘅行政總廚Ken更為新店精心設計咗一系列特色菜，唔少名人都係佢嘅捧場客嚟㗎。 行政總廚Ken設計嘅名人Tasting Menu(HKD888/7道菜，HKD1,188/10道菜)揉合咗歐亞飲食元素，每道菜都好獨特㗎。其中呢個椰子味道濃厚嘅香茅椰汁鮑魚花膠雞湯，靈感嚟自Ken細個成日飲嫲嫲煲嘅鮑魚雞湯，依家就用竹絲雞熬製3小時，再加入香茅、椰子同花膠。湯汁充滿精華嘅味道，香濃而唔會互搶雞湯同食材之間嘅味道；而蘋果木煙燻西蘭花燉蛋配馬糞海膽以玻璃蓋住蘋果木煙燻，令鹹香嘅海膽沾上煙燻嘅蘋果木香。連同底層嘅西蘭花同燉蛋一齊食，可以中和海膽嘅鹹味，而口感滑嫩之中更有層次添。 PANO 地址：西九文化區博物館道22號一樓1號舖及天台 電話：2361...
【人生必食：即食麵達人年度推介 最辣即食麵+No.1杯麵】人生必食
依家屋企儲糧最好嘅係咩？即食麵同杯麵實走唔甩啦，想食得精啲就要參考即食麵達人The Ramen Rater今年最新嘅評分喇。依家就分別介紹2020年Top 5最辣即食麵同最好食杯麵啦！ 杯麵 第5位 新加坡 – Miandom Tasty Asia Green Curry Shrimp Flavoured Instant Noodles 達人評價呢款小麥麵有咬口，配上濃郁嘅青咖喱特別有風味。 第4位 日本 – Maruchan QTTA Curry Ramen 日本杯麵唔係得合味道嘅，QTTA呢款金黃色咖喱口味味道微辣，亦有肉、土豆、洋蔥同大蔥做配料，都算幾豐富。 第3位 美國 – Nissin Cup Noodles Very Veggie...
【DIY髮膜做染前護理 解決乾枯開叉迎新年】懶健康貼士
新年前整頭是常識，不過約髮型師染今年興嘅焦糖奶茶色、酒啡色或仙氣精靈藍色之前，當然要做好頭髮護理先啦。簡簡單單用4款食材就可以DIY天然髮膜，即刻睇吓呢4款邊樣啱用啦！ View this post on Instagram 191123 2019 IU Tour Concert 'Love,Poem(러브포엠)' in #Seoul . © freeyiyuki, bluewing, tmfrtkfr | TW #lovepoem #러브포엠 A post shared by IU (아이유) ※ 이지은·李知恩·Leejieun (@iu_leejieun516) on Nov...
【3種維他命保養氣管健康 營養師醒你4個貼士】懶健康貼士
條氣唔順咪話跑步，講多句都唔掂。依家空氣污濁，再加埋北風將本港同珠江三角洲一帶嘅發電廠等廢氣吹埋落來，搞到鼻同喉嚨都好易痕癢，氣管都差啲。營養師Moses就話缺乏營養素可能會對呼吸道健康有影響，依家就聽吓佢點講啦。 1. 維他命 A 「其實肺嘅表面有纖毛細胞會分泌濃稠嘅黏液，保護佢哋免受細菌同病毒侵害。同時，纖毛清除黏喺黏液中嘅灰塵同細菌。 而維他命A可以幫助呼吸道保濕，所以缺乏會令呢啲細胞變得扁平、變硬並且無法產生黏液。平時可以食多啲含豐富維他命A嘅食物，包括奶類、深綠同深黃色嘅蔬菜同水果。」 2. 維他命B 「喺2017一個小型研究，學者發現高劑量嘅維他命B補充劑(B6，B12同葉酸)，可抵消空氣污染細懸浮粒PM2.5 對細胞基因變異嘅影響(PM2.5即係懸浮粒子，而氣動直徑小於2.5 µm，比其他懸浮粒子更具危險性，因為吸入後可以更加深入肺部)。但要注意嘅係呢個研究只有10位志願者喺加拿大進行，所以要進行更多研究先可以作出建議，但值得我哋繼續留意。」 3. 維他命D 「空氣污染通常都係哮喘發作其中一個誘因，但近年亦有唔少研究指出體內缺乏維他命D，或者同哮喘病發率有關連。例如喺一個小童研究，學者發現血液中維他命 D較低嘅哮喘患者肺功能亦降低，而且藥物使用率同病發率亦有增加。維他命D係Sunshine vitamin，香港日照時間踏入秋冬就縮短，自然皮膚合成維他命D嘅時間同機會亦短啲。所以午膳有機會就去行吓公園曬太陽啦。」 4. 水 「水係大家經常忘記嘅營養素，不斷有客人話天氣凍，感覺冇出汗，加上少活動就更加唔記得飲水。 但其實按時飲用足夠嘅暖水，可幫助氣管維持濕潤，所以每日最少要有8-10杯水。」 Moses Lee 現為“My Fitness”註冊營養師、澳洲營養及飲食治療碩士同澳洲營養師協會會員，擅長體重管理同運動營養。曾於醫院、社區中心、教會同非牟利機構等地方提供營養服務、舉辦營養講座同烹飪示範。依家為有需要控制體重嘅人士同運動員提供營養治療，制定飲食方案。
【中西式萬聖節大餐由早食到晚 著萬聖節服飾有優惠】YUM CHA飲茶、BRICK LANE、Mezzo、薈景Congress Plus
今年萬聖節喺星期四，一定玩得唔盡興㗎喇，不過都可以食啲應節菜式嘅。小編精選幾間中西餐廳，俾大家飲茶又得，食下午茶又得，當然仲有豐富嘅晚餐俾大家揀啦。 1. YUM CHA飲茶 YUM CHA飲茶一直以新派點心吸引唔少食客，嚟到萬聖節仲推出唔少造型可愛嘅萬聖節點心添。必食以麵包絲包忌廉雞肉同鳳尾蝦，炸到金黃色嘅木蝦乃衣，仲有中指叉燒、蝦靈入眼、木乃伊腸等趣怪點心都係打卡之選。 YUM CHA飲茶 (旺角店) 地址：旺角亞皆老街8號朗豪坊4樓7號舖 電話：2818 1099 營業時間：星期一至日：11:30-23:00 供應期：即日至10月31日 2. BRICK LANE BRICK LANE今年嘅萬聖節食物下午茶都食得！想點鹹食有黑漆漆嘅吸血「蝙蝠」翼；想要甜食又有惡夢蜜糖烤南瓜配雲呢拿雪糕；就算只係想飲杯嘢吹水都有地獄之火─燒棉花糖雞尾酒俾你揀！ BRICK LANE(尖沙咀店) 地址：尖沙咀棉登徑17-23號地下 電話：2721 0628 營業時間：星期日至四：09:00-00:00，星期五、六：09:00-00:30 供應期：即日至10月31日 3. Mezzo 想食個晚餐又唔使分量勁多的話，尖沙咀嘅Mezzo喺10月31日當晚就有萬聖節滋「魅」華麗四道菜晚餐(HKD318/位)。以開胃嘅檸檬薑茶醃三文魚配蜜糖芥末汁同足料海鮮濃湯開首；主菜就三選一，有啱素食者嘅牛肝菌意大利雲吞伴蘆筍及野菌、香氣十足嘅酥焗鱸魚伴夏威夷果仁脆脆及龍蝦茴香汁同埋啖啖肉嘅香烤美國西冷扒伴意大利青瓜、新薯及紅酒汁；最後以黑朱古力綿花糖夾心餅乾或意大利檸檬甜酒結尾。 ...
【台灣冠軍牛肉麵香港連開兩店 湯濃肉腍必試火炙小牛膝】洪師父牛肉麵
一聽係過江龍，大家都會諗嚟到香港可唔可以保持水準先？洪師父牛肉麵為咗解決呢個問題，唔係用台灣食材咁簡單，而係將湯底、牛肉等用料喺台灣店煮好再冷凍包裝運嚟香港，保證唔會走味咁話喎，唔怪得神速就喺東涌同油麻地連開兩店啦。依家就即刻試佢哋嘅冠軍牛肉麵先。 五花牛腩(HKD88)係2007年牛肉麵節比賽—清燉冠軍，湯底好清澈，但味道幾濃，入口順滑。呢款有牛腩同牛小排，肉質軟腍易咬。麵條可以揀台式幼麵同粗麵，不過清湯就同幼麵夾啲。 組麴蕃茄麵(HKD88)係2008年牛肉麵節比賽—創意冠軍，唔講都唔覺原來以蕃茄融入湯底已經咁多年。再提提大家，所以湯底都係台灣煮好，再冷凍包裝運過嚟，所以啲蕃茄都係台灣貨！呢款味道幾香甜，但唔會好杰身，依然似到牛肉湯味添。同樣都有牛腩同牛小排，呢款配粗麵會吸味啲，而且放耐咗都只係厚少少，唔會勁發漲。 想試多啲配料又想特別啲，就要嗌攞到2010年牛肉麵節比賽—紅燒冠軍嘅唯吾獨專(HKD328)，呢碗可以2-3個女仔食㗎！不過想抵啲一定係點二人套餐(HKD398)，會包埋兩款自選台式小食同兩杯飲品。 泊埋五花牛腩即刻睇到size嘅分別！唔係淨睇湯碗，連肉都大嚿好多，而選用嘅部位都好刁鑽；好似牛腱只用兩邊尖尖，油脂少啲又有咬口；牛肚就用蜂巢牛肚邊最「Q」嘅位置，質感好爽彈：連牛筋都特別大條，但煮得軟腍，又唔會失去咬勁，平衡得幾好。 小牛膝同樣連埋炆煮嘅湯汁一齊包好冷凍，嚟到香港加熱同火炙。大家記得唔好掛住影相，最好一上菜就試咗湯先，因為小牛膝火炙過嘅味會慢慢滲落湯，變成另一種層次。 紅燒湯本身已經好濃厚，因為混合咗秘製三寶湯同小牛膝嘅湯，幾重牛味。想再有層次啲可以加少少辣椒油，因為入面加咗牛脂一齊煮，所以入面有真「牛油」㗎！ 但最估唔到綜合鮮肉湯水餃(HKD42/牛湯底)都係包好先運嚟香港煮，高麗菜(右)就比青韭菜(左)口味清啲；飽得滯想解膩可以飲返杯檸檬薏仁水(HKD18)。 洪師父牛肉麵 (旺角店) 地址：油麻地彌敦道565-567號銀座廣場地下1號舖 電話：2838 3978 營業時間：星期一至日：11:00-22:00
【6間寵物友善餐廳打卡吹吹風 載汪星人出遊歎世界】Local自駕遊
揸車同汪星人去街街，唔止方便，其實佢地都好enjoy㗎。不過要搵啲附近可以泊車，又歡迎汪星人嘅寵物友善餐廳就唔易喇。小編特別為大家搜羅6間歡迎汪星人嘅餐廳，部分係最近新開㗎；而且遍佈港、九、新界，方便住唔同地區嘅你呀！ 九龍 1. 狗狗友善營地 呢間位於九龍灣嘅狗狗友善營地喺主打東南亞菜嘅Chill Inn入面，開咗一陣已經引嚟唔少主人帶狗仔嚟。雖然喺商場入面，但店內佈置到去露營咁，打卡呃like冇難度！不過喺度食嘢只接受帶入Chill Inn嘅外賣食物同店內提供嘅狗仔餐飲。 狗狗友善營地 地址：九龍灣國際展貿中心地下G21號舖 電話：2849 8289 營業時間：星期一至日：第一節 11:30-14:30 | 第二節 15:30-17:00 | 第三節 18:00-21:30 餐廳人均消費：約HKD100起 *停車場每小時HKD20。但凡於九龍灣國際展貿中心E-Max消費滿HKD100(以單一機印發票或收據計算)，即享1小時免費泊車；消費滿HKD200(最多可累積兩張唔同商戶嘅機印發票或收據)，即享2小時免費泊車，最多可獲2小時免費泊車。 新界 2. Cozy Coffee Cozy Coffee喺南豐紗廠嘅總店已經好受歡迎，最近再下一城去大圍開第三間舖。今次以二層高嘅白色村屋同大家見面，仲有開放式陽台設計，可以親親陽光，簡簡單單歎杯咖啡或者點啲輕食，感覺chill到暈呀！ Cozy Coffee 地址：大圍積福街64-66號地下C舖...
【亞洲首間湖水藍玻璃屋14/10開幕 Tiffany Cafe歎夢幻下午茶】The Tiffany Blue Box Cafe
亞洲首間、全球第二間嘅The Tiffany Blue Box Cafe下星期一(10月14日)喺尖沙咀開幕喇，依家仲可以率先網上預約添。想睇吓呢間湖水藍色嘅玻璃屋點樣重現電影《珠光寶氣》嘅氛圍？跟實小編睇埋落去啦！ Cafe同Tiffany北京道一號旗艦店毗鄰，陽光滲透入玻璃屋，深深淺淺嘅湖水藍色令人感覺更加高貴夢幻。 另外仲有間房好似入咗湖水藍色嘅寶庫咁，帶啲神秘感。Cafe供應Breakfast & Brunch、Afternoon Tea、All Day Dining同Beverages，配埋富藝術感嘅骨瓷、銀器，純白配Tiffany Blue色調嘅Tiffany & Co. Color Block餐具，無論嚟打卡、談心定係用餐都係一大享受呀！ 嚟到必食嘅梗係Tiffany Afternoon Tea(HKD688/兩位起，額外每位HKD358)！下午茶本身配茶或咖啡，亦可以升級為巴黎之花特級乾型香檳(HKD150/杯[原價HKD188/杯])。三層鹹甜點再加鬆餅共十二款精緻食物，頂層有Tiffany鳥巢朱古力蛋、白桃入饌嘅香檳珍珠、咖啡忌廉閃電泡芙、士多啤梨三重奏同玫瑰忌廉慕絲；中層就有微辣嘅魚子醬撻、鴨肝醬凍球、火腿芝士脆盒、黑毛豬火腿同吞拿魚他他三文治；底層嘅包點就係小紅莓鬆餅同檸檬瑪德蓮配三款奶油忌廉、果醬。 另一款人氣嘅The Blue Box Cake(HKD588)要喺網上訂枱時同時預訂，只限堂食。湖水藍色嘅禮物盒造型蛋糕，內層係海鹽焦糖慕絲、白芝麻慕絲、杏仁朱古力脆片同朱古力戚風蛋糕相間，訂定同好友、愛人慶祝就啱晒啦！ 特色BLUE BOX吐司(HKD198)係方型吐司；注滿香蕉焦糖醬嘅丹麥麵包配上特製嘅Tiffany Blue Box忌廉芝士慕絲，伴香甜微脆炙過嘅焦糖香蕉同蛋白霜，入口感覺好sweet。 而全日供應嘅All Day Dining(HKD358/兩道菜，HKD458/三道菜)可以揀一道前菜、主菜或配埋甜品。注意部分主菜跟套餐需要另外加錢，例如呢款榖飼三百日嘅澳洲安格斯西冷牛扒(加HKD240)，配上意大利青瓜菜卷、油漬蕃茄同洋蔥蓉，配合一齊食會fresh啲，減低油膩感。 龍蝦扁意粉(加HKD120)就有已剝殼嘅龍蝦，啖啖肉真係好滋味。意粉嗦埋干邑龍蝦忌廉汁，味道更加香濃。 為咗紀念亞洲首間The Tiffany...
【網民報料油麻地café伏爆 實試漢堡套餐貨不對辦】伏務台
一講中伏餐廳就有網友留言，話油麻地嘅愛麗絲的秘密花園都好伏，仲引嚟一堆網民附和添。小編都做完一輪資料搜集，都發唔少人都有微言，咁梗係去實測吓啦！ 呢間以愛麗絲夢遊仙境做主題嘅打卡café，俾大量網民指佢嘅價錢同食物質素唔成正比，單靠打卡都唔可以接受。 小編一入去已經聞到陣酸宿味，座位與座位之間都好迫，想像唔到四個人一齊坐可以點食飯。呢度作為打卡café，先睇睇裝修、影相道具同餐具都有啲殘舊，部分已經爆口，公仔甩毛都冇換新嘅；而且有啲道具裝飾勁厚塵，咁樣食嘢真係唔開胃囉。 不過點都要試埋食物質素，小編叫咗特偉兄弟孖寶(HKD78)。特偉兄弟孖寶係漢堡包餐，但上菜個樣同餐牌嘅圖有出入！明明圖示係雙色漢堡，但出嚟變咗單色；薯角就變咗粗薯條；沙律仲直接消失添！無論作為一間餐廳定打卡地點都好，呢啲落差真係有啲過份呀！ 兩個漢堡包都煎得有啲乾同硬，用手大力啲都壓唔扁。中間夾住嘅漢堡扒雖然跟返餐牌做咗牛肉同雞肉豆腐兩款，但牛肉口感鬆散，味道超鹹；雞肉就又乾又實，冇咩雞肉味。 粗薯條貨不對辦已經令人勁失望，冇咩調味，仲條條都唔脆口，圖片嘅沙律醬就變成茄汁，成個感覺頹晒。而且分量唔多，就算以打卡做賣點都彌補唔到呀。 作為café當然要試吓佢啲甜品啦。紅心皇后的餡餅係雜苺軟心慕絲蛋糕，入口有陣隱隱嘅苦澀味同藥水味，甜得嚟都幾假，好似食糖嗰種咁。分量同樣好細，同樣嘅價錢喺街可以買到質素好好多嘅蛋糕或西餅喇。小編同網友嘅評價一樣，真係「不可一，不可再」。就算想影相打卡，同樣嘅價錢可以去新啲又乾淨，食物質素更好嘅café。 小編伏氣：4星(5星滿分) 入伏點：愛麗絲的秘密花園 入伏價：特偉兄弟孖寶(HKD78)、紅心皇后的餡餅(HKD56) 中伏by #MOMO 美術by #MOMO 攝影by #MOMO，BLUE 《伏務台》歡迎各界報料。
