Tagged: THE GLENLIVET

0

【威士忌魅力夜】THE GLENLIVET

銅鑼灣最近名人潮人至hit蒲點,就當然係總統商場翻新嘅Tower535新開餐廳Seafood Room!背後非常猛料,由擁有80多間餐廳同酒吧嘅Bulldozer Group首次進軍亞洲開設,聽講裡面擺設同畫都價值不菲。8000呎餐廳再加上2000呎露台環迴270度維港海景,係銅鑼灣罕見靚景餐廳之一。 今次The Glenlivet睇準依個地點,搞左個Whisky Party,俾一眾威士忌愛好者玩番晚。場內人頭湧湧,非常熱鬧!入場嗰時比左2個籌碼都覺得奇怪嫁啦,原來係用黎玩game!玩法簡單又好玩:比杯酒你tasting,估下係邊一支酒,估中左有得飲多D! 無限量供應好味一口檸檬撻。 係下面悶悶地,走左上去2樓原來別有一番天地!呢個roof-top bar 好靚,約埋三五知己上黎飲返杯吹下水一定好正!2樓當然都有tasting 供應啦!分別有Glenlivet 12年、15年、Nadurra、Single Cask Edition、同限定嘅Guardians Chapter!唔洗問緊係試Guardians Chapter先啦!飲得2、3杯,個肚仔又開始想搵野食啦!現場提供左唔少小食比我地,除左頭先嗰D甜㸃,當中最吸引嘅就係呢個西班牙黑毛豬火腿啦!品酒當然唔少得芝士啦,大會非常細心,仲配合埋無花果同餅乾添! close up比大家睇清楚D!多謝The Glenlivet俾左個好愉快嘅晚上大家聚一聚同輕鬆一下!