Tagged: toofullforfood

0

【2021中秋早鳥優惠 六大特色月餅大集合】月餅

雖然仲有兩個月先到中秋節,但各大月餅品牌已陸續推出早鳥優惠。小編精選6大特色月餅推介俾大家,除咗有傳統口味月餅外,仲有花膠奶黃、純素果仁、人寵共用月餅,真係玩味十足呀!亦有以包裝設計精緻嘅月餅盒為噱頭,食完都可以收藏㗎!早鳥優惠時間有限,手快有手慢冇,㩒下面嘅link就可以買到喇。 健康純素月餅 Green Common 想食月餅之餘但又驚吸收太多油份?注重身型嘅朋友可以試試Green Common嘅純素月餅,品牌新推出嘅純素果仁月餅系列禮盒(HKD328/6件)入面有齊兩款人氣無花果燕麥果仁月餅同紫薯藍莓果仁月餅,仲有純素奶黃月餅禮盒(HKD308/6件)揀添。月餅禮劵由即日起至8月29日以預購價開售,8月28日起就可以用禮劵換月餅喇! Green Common 地址:尖沙咀廣東道17號海港城海運大廈地下OT G61號舖 電話:3102 1220 訂購網站:https://bit.ly/MooncakePreorder2021   養顏花膠奶黃月餅 皇玥 皇玥集團今年推出首創嘅花膠奶黃月餅(HKD888/8件),將極品花膠粒融入奶黃餡料中,為月餅增添內涵,啱晒一班貪靚人士。另外想輕盈啲仲有低糖奶黃(HKD238/4件)同低糖綠茶月餅(HKD238/4件)選擇添!即日起喺門市同網上就有得訂購,8月31日前仲可享早鳥同買四送一優惠。 皇玥 地址:尖沙咀海防道53-55號海防大廈5號地舖 電話:2217 3638 訂購網站: https://www.ipastry.com.hk/ourshop/ 團團圓圓幸運「8」月餅  8度海逸酒店 8度海逸酒店推出嘅月餅一向深受歡迎,各款月餅全以天然食材製作,圓形外觀形如滿月,刻有象徵酒店「8」嘅幸運數字,意義十足呀。今年酒店推出四款口味月餅,包括全新嘅黑芝麻流心月餅(HKD398/6件)同上年受到熱烈迴響嘅鮮芒果流心奶黃月餅(HKD338/6件)、海藻糖白蓮蓉蛋黃月餅(HKD348/6件)同京都宇治抹茶奶黃月餅(HKD358/6件),喺9月17日前預購仲可享79折優惠。   8度海逸酒店 地址:土瓜灣九龍城道199號 電話:2126 1988 訂購網站:https://bit.ly/30qYrSi   精美小茶几月餅盒 LIFETASTIC...

0

【齊齊打Round】《太飽喇!》網上雜誌

同枱打冷都係架己冷,咁「打個round」你又聽過未?有說自從殖民地時代嘅香港人愈嚟愈鍾意將英文夾雜喺日常對話,將去街邊檔食潮州菜講成打round,慢慢就演變成依家嘅打冷。不過無論點都好,可以一班人大杯酒大啖肉食好嘢點都歡嘅,不如睇吓酒家式嘅「百樂潮州」,同最近重開而街坊味濃嘅「紅伶飯店」各有咩特色啦,佢哋各自都扎根香港逾50年㗎喇。

0

【龍蝦×鮮蟹自助晚餐 中西熱盤配龍蝦湯雪糕】Alva House

愈近夏天就愈想食海鮮多過食肉,帝逸酒店Alva House新出嘅「龍蝦.鮮蟹」滋味盛宴自助晚餐有大量以龍蝦同鮮蟹炮製嘅冷熱盤、中西日菜同甜品!龍蝦鮮果沙律、龍蝦火炙芝士牛油果卷、法式龍蝦湯、龍蝦蟹肉大阪燒餅、避風塘炒蟹、蟹粉小籠包、鮮蟹肉龍蝦千層麵、冬蔭功焦糖燉蛋、蟹黃芝士撻、自家製法式龍蝦湯意大利雪糕等都俾你唔同嘅驚喜!

0

【$28起歎正宗日式烏冬 逾30款和風小食任你揀】俺流亭

將軍澳新開嘅日式烏冬主題店俺流亭由日籍廚師佐次田 禎主理,精心製作正宗日式湯烏冬、鐵板炒烏冬、關東煮同各種日式小食,選擇好多元化到好肉港式車仔麵咁。佢哋價錢好親民,又有港人鍾意嘅蕃茄湯底,甚至連鐵板飯都有!不過烏冬作為主打款式,今次就講多啲有咩選擇啦!

0

【家上海佛跳牆宴買一送一 新推客飯餐外賣75折】家上海

家上海推出全新奧海城限定嘅佛跳牆海皇宴,兩位起仲買一送一,計埋茶芥同加一都係百幾蚊位就試到一系列招牌菜同新鮮海產炮製嘅淮揚菜,啱晒鍾意養生同中菜嘅朋友喎。 店內環境寬敞,亦有少量戶外坐位。 佛跳牆海皇宴(HKD298/位)以淮安四小碟(右)打頭陣,前菜有花雕醉轉彎、鎮江冰官肴蹄、四喜烤麩同埋涼拌陳醋紅蜇頭。呢幾款冷盤開胃得嚟唔會好濃味,而且係必食嘅經典淮安菜。 跟住當然係每日新鮮原盅燉製嘅鮑魚花膠佛跳牆!以老雞、雞腳、金華火腿同豬肉做上湯嘅主要材料,加埋花膠、鮑魚、干貝同海參呢啲名貴食材一齊燉,湯色清澈但味道濃郁,而且滋養氣血,補而不燥㗎。 薺菜年糕燴桂花魚片將大大塊桂花魚片油泡再湯煮,魚肉鮮嫩冇骨,加埋軟糯嘅年糕一齊食就有唔同口感添。 你仲可以揀鮑汁撈飯或濃湯魚翅撈飯,矜貴之餘仲好鹹香惹味添。 仲有用韓國米餅整成嘅乾燒蝦球配鍋巴,爽口彈牙嘅蝦球大隻到要分幾啖先食晒,甜辣醬嘅醬汁令人食得更滋味。最後食埋酒釀湯丸啦!清甜嘅酒釀配芝麻湯丸唔會好甜膩。 餐廳依家仲特別推出外賣自取75折優惠,連新出嘅一至二人客飯餐(原價HKD138-398)都一樣有折㗎。兩餸一湯嘅一人客飯餐C都幾豐富,麻香嘅雞絲粉皮配鑊氣嘅海派回鍋肉好夾,加埋上海酸辣湯、絲苗白飯同豆漿都幾飽㗎。想知仲有咩套餐同小菜可以外賣就睇下面嘅餐牌啦!   家上海 地址:大角咀海泓道1號奧海城三期地下G19-21號舖 電話:2869 2228 營業時間:星期一至五:11:45-16:30, 18:00-22:30,星期六、日及公眾假期:11:30-16:30,18:00-22:30 限聚令下營業時間:星期一至日:11:30-18:00(堂食)|11:30-20:30(外賣)

0

【燒烤主題維港海景餐廳 法式風味×爆汁嫩滑西冷】Harbourside Grill

要搵高質抵食嘅海景餐廳?早排郭富城慈善表演樓下,就有間開業冇耐嘅西式燒烤主題餐廳Harbourside Grill。喺尖沙咀坐擁180度維港景色,嚟食個超值午市套餐(HKD208起)、睇住日落歎杯酒,或者喺星空下品嚐注入法式元素嘅晚餐都一樣咁正! 入餐廳前可以喺廚窗見到廚師們準備餐飲。 室內外座位都可以睇到維港景色,浪漫情調滿分! 先嚟個牛油果羽衣甘藍藜麥蘆筍沙律(HKD118) 開開胃啦!以健康嘅黑、紅、白三色藜麥置底,混入新鮮蘆筍、牛油果、羽衣甘藍、少少糖脆片同清新柚子醋,口感層次豐富,而且幾大份添。 如果想揀小食類,香煎帶子配脆皮豬腩肉(HKD218)伴上味道偏日嘅咖喱椰菜花蓉、酸豆同金葡萄乾好惹味。加上煎到焦香又厚肉嘅日本北海道帶子,同埋慢煮12個鐘後再烤到外皮香脆嘅豬腩肉,口感同味道都好夾,而且唔會覺得好油膩。 牛肉他他配酸種麵包(HKD158)會喺你面前即席調製,將澳洲牛柳加入生蛋黃、洋蔥、酸豆、鹽、辣汁等配料,如果有唔食嘅嘢都可以預先提出。配埋自家焗製酸種麵包一齊食,酸爽煙韌嘅感覺幾醒胃。 鱸魚配薯蓉及法式龍蝦湯(HKD328)將馬鈴薯壓碎整成牛油薯蓉置底,再放上煎香嘅鱸魚同龍蝦蟹鉗。然後倒入香濃嘅法式龍蝦湯,真係好似飲緊龍蝦嘅精華咁! 呢度嘅牛扒有唔同產地可以揀,大廚就推介呢款USDA認證嘅美國Snake River Farms西冷扒(HKD488/300g),經濕式熟成後以西班牙頂級烤爐Josper Grill配日本木炭烤製,炭香味十足㗎。入口肉汁豐富,味道濃郁又嫩滑,而且非常厚肉!另外可以喺五款醬汁之中自選一款。其中香草牛油醬汁、波爾多醬同胡椒汁都適合配搭肉類,但講到配牛扒大廚就建議香草牛油醬汁喇。配埋伴碟嘅油封蒜、洋蔥蓉同Espelette辣椒牛油,可以變化出唔同嘅口味。 呢度仲搵到罕見嘅反烤蘋果撻(HKD158/2人份),紐西蘭Braeburn蘋果經糖煮後依然厚肉有咬口,加上肉桂條嘅香氣,令味道更香甜。如果蘸埋法式酸奶油一齊食,甜度會相對低啲。 餐廳仲有多款Mocktail同Cocktail。以鮮甘蔗汁、鮮菠蘿汁、椰子同青檸調製嘅Staycation(HKD88/右)同埋青瓜味突出嘅Vida Verde(HKD88)都係冇酒精又非常清新嘅口味。 有想酒味又帶果香的話,可以試吓Sherry Cobbler(HKD118),混合Fino雪利酒、新鮮西柚汁、St-Germain 接骨木花利口酒、新鮮菠蘿汁同蜂蜜水,女士都易入口。 Shades of Ray(HKD128)混合伏特加、杏仁、紅菜頭同青檸,入口有種蔬果酒嘅感覺。   Harbourside Grill 地址:尖沙咀海港城海運大廈4樓OTE 401號舖 電話:2619 9100 營業時間:星期一至日:12:00-22:30

0

【中環新場10大話題餐飲 歎嫩滑燒雞+本地手工啤】BaseHall

中環怡和大廈六月開咗個新場,BaseHall匯集咗十間唔同特色嘅話題食店,可以食勻多國料理,仲有兩間風格各異嘅酒吧俾你歎本地手工啤同特調雞尾酒添。喺繁忙時段想食又怕等得耐?又可以電話網上點餐,方便又快捷。以後喺中環,無論係食Lunch定同朋友Happy Hour都多個選擇喇! 新場嘅室內設計行現代化嘅風格,夜晚仲會有現場DJ嘅音樂演出,夠晒有氣氛。有別於一般嘅美食廣場,BaseHall內嘅8間餐廳同2間酒吧都擁有個性、話題十足。依家一於逐間介紹俾大家啦! Pub 1842 Pub 1842由本地手工啤酒品牌少爺啤主理,當然要試吓佢哋嘅主打手工啤酒,另有雞尾酒同每期推介嘅小產量威士忌。開放式酒吧內設有10個生啤酒龍頭,供應啤酒廠內嘅鮮釀啤酒,啱晒同朋友嚟坐低飲杯嘢Relax吓啦! 除咗酒水,店內亦供應各款英式焗批同每日唔同口味嘅咖喱,特別啲嘅有煙肉梅菜批,入面加入中式風味嘅梅菜做fusion,又幾獨特喎。   BaseHall Bar BaseHall Bar就供應充滿亞洲風味嘅特調雞尾酒,另有即磨咖啡、沙冰等選擇。 再配埋份The Classic Sandwich(HKD128)就滿足喇,仲有Daily Special嘅款式俾你揀。   Roti Tori  呢間日式烤雞餐廳Roti Tori 由人氣燒鳥店Yardbird班底主理,必食呢度招牌嘅日式燒雞(HKD68/1/4隻、HKD118/半隻),肉質嫩滑Juicy,仲配埋三種醬汁俾你蘸。 如果唔想食咁飽就可以試吓呢度嘅紫蘇飯糰(HKD25)。   Honbo 呢度同樣食到本地自家製美式漢堡店Honbo嘅出品,佢哋嚴選時令天然食材製作漢堡,經典漢堡(HKD78)大小適中,啖啖都食到濃郁嘅牛肉香。 Return of Lemak 馬來西亞特色嘢食你會諗起咩呢?Return of Lemak嘅娘惹叻沙(HKD128)望落惹味,湯底濃郁,又點可以抗拒呢? 另外,呢間食店主打現代變奏版嘅馬來西亞椰漿飯,呢款炸雞椰漿飯(HKD138)坊間少見,將本地食材同現代煮法完美結合。...

0

【深水埗滋補小店以酒入饌 花雕藥膳雞×酒香醉物】醉藥雞

叫醉藥雞並唔係因為佢哋「最弱雞」,而係少有地以酒、藥膳同時入饌嘅主題餐廳。喺深水埗新開嘅小店主打一系列嘅醉物以及唔同嘅養生雞鍋,究竟有幾滋補?睇埋落去啦! 呢度必試嘅砂鍋醉藥雞(HKD68)少有地以雞酒做湯底,雞酒特別用咗糯米酒同三斤三黃雞嚟煮,酒味唔會太濃烈,藥性比較溫和。再加入雲耳、紅棗、淮山、薑呢啲配料,湯底偏甜易入口,特別啱女士同注重養生人士㗎。 而醉雞藥膳湯米線(HKD58)就用熬咗12個鐘嘅雞湯加入當歸、淮山、北芪、黨蔘、圓肉等八種藥材嚟做湯底,火候十足。 呢度仲有唔同嘅醉物冷盤俾你歎,啱晒夏天食呀!當中嘅花雕酒加入桂花糖調味,醉物食落酒味突出之餘又唔苦。 其中嘅原隻醉乳鴿(HKD98)切片上都依然有啖啖肉嘅感覺,乳鴿肉滲透住淡淡酒香,咬落肉質結實嫩滑。 醉物之中小編大推呢款醉蝦(HKD88),驟眼望落分量唔少亦夠大隻。而餐廳對於唔同食材所用嘅花雕酒濃度同浸酒時間都特別講究,連殼嘅蝦浸酒嘅時間會比其他醉物耐,但如果浸得太耐就會令食材變苦,所以醉蝦浸酒嘅時間就大約維持喺2個鐘。咁樣蝦肉就會同樣入味而質感依然爽口彈牙,酒香濃郁喇。 想一次過試幾款海鮮冷盤,又唔想太多就可以嗌醉三鮮(HKD75)喇!除咗醉蝦之外,仲可以試埋彈牙唔韌嘅鮑魚同花螺添。   醉藥雞 地址:深水埗福榮街103號地舖 電話:3705 0477 營業時間:星期一至日:12:00-22:30

0

【Chill遊西九文化區食足全日 懶人野餐+全海景歐亞菜】Local自駕遊

西九文化區可以話係近期嘅文青集中地,雖然疫情令唔少文化活動暫停咗,不過呢度開始愈嚟愈多特色餐廳進駐,又有大片草地可以俾你邊吹海風邊野餐,最啱周末同朋友、情人、家人嚟放空啦!   新推懶人野餐組合 喺西九文化區自由空間嘅留白LiveHouse係由本地手工啤酒品牌麥子同一班音樂愛好者創立嘅特色餐廳,可以話係集音樂、美食、手工啤酒、咖啡於一身嘅地方,平時定期會有駐場音樂人、文化工作者喺度演出。而喺疫情期間呢度雖然就暫停咗現場音樂演出,但係佢哋都有新搞作㗎! 想野餐又唔想拎住一袋二袋,就可以試吓佢哋最近新推嘅外野餐盒Set(HKD288/兩人份)喇。成個Set有齊炸雞薯條配黑松露醬、各款沙爹串燒、甜品同飲品。除咗個木餐盒之外,仲齊幫你準備埋啱晒Feel嘅紅白格仔野餐墊,咁就可以兩手空空去野餐啦!不過記得野餐後要交還返個餐盒同餐墊俾餐廳呀。   留白 地址:尖沙咀西九文化區自由空間地舖 電話:2868 4333 營業時間:星期一至四:11:00-18:00、星期五至日:11:00-21:00   藍染cafe Chill住歎啡 唔野餐都有其他選擇嘅,呢間藍染主題cafe唞唞就好受文青歡迎喇。呢度可以隨你喜好自選咖啡杯同咖啡豆,而咖啡價格就視乎選用嘅咖啡豆而定,連咖啡都可以Tailor-made! 而店內亦有少量食物供應,連和牛三文治(HKD318)都有添,隔住個mon都流晒口水呀!   唞唞 Rest Coffee Gin 地址:尖沙咀西九文化區藝術公園地下GF-04號舖 電話:2697 8938 營業時間:星期一:12:00-19:00,星期二至日:12:00-00:00   飽覽西九夜景歎法菜 Hea到差唔多開始肚餓?想食得好啲,不如去同樣都喺西九文化區嘅PANO食餐豐富嘅法國菜啦。呢度幾乎可以睇到全維港海景,餐廳嘅行政總廚Ken更為新店精心設計咗一系列特色菜,唔少名人都係佢嘅捧場客嚟㗎。 行政總廚Ken設計嘅名人Tasting Menu(HKD888/7道菜,HKD1,188/10道菜)揉合咗歐亞飲食元素,每道菜都好獨特㗎。其中呢個椰子味道濃厚嘅香茅椰汁鮑魚花膠雞湯,靈感嚟自Ken細個成日飲嫲嫲煲嘅鮑魚雞湯,依家就用竹絲雞熬製3小時,再加入香茅、椰子同花膠。湯汁充滿精華嘅味道,香濃而唔會互搶雞湯同食材之間嘅味道;而蘋果木煙燻西蘭花燉蛋配馬糞海膽以玻璃蓋住蘋果木煙燻,令鹹香嘅海膽沾上煙燻嘅蘋果木香。連同底層嘅西蘭花同燉蛋一齊食,可以中和海膽嘅鹹味,而口感滑嫩之中更有層次添。   PANO 地址:西九文化區博物館道22號一樓1號舖及天台 電話:2361...