Tagged: tttf

0

【買得走嘅健康!巴西直送雞脾外賣飯盒】Healthy Chicken

外賣離不開都係燒味飯,或者三餸飯。多數都係油膩又唔健康,作為上班族嘅大家,日日係咁食一定會變晒三高,變晒做肥仔肥妹。小編特登幫大家搵咗一間健康飯盒外賣店,佢地嘅外賣飯盒營養均衡而清淡,主張100%純天然原料製造,啱晒注意健康嘅一眾巴絲打。 門面裝潢充滿田園風味,同木製枱凳互相襯托,令人入去有一種心曠神怡嘅感覺。 Chicken Leg Meal (HKD72) 識食一定食雞脾!如果你平時嫌豉油雞脾油膩,或者嫌炸脾熱氣,今次嘅雞脾用咗天然香料腌製就啱晒你。佢採用咗烤嘅烹調方法,雞脾嘅肉汁依然保存得好好,再加埋天然香草嘅香氣撲鼻,食起來嚟味道濃而不膩。 雖然雞脾係主角,但其他配料小編都十分喜歡。好似一球綠茶雪糕一樣咁大嘅牛油果同其他蔬菜,好似菠菜、生菜、豆類、番茄、三色椒等等,全部新鮮又好味。加上所配嘅飯並唔係白飯咁簡單,反而採用五穀米,健康之餘又食到蔬菜爽脆嘅口感。 Chicken & Cheese Quesadialla (HKD58) 相信係香港最常見嘅墨西哥料理之一,呢種墨西哥軟皮麵餅一般都係三角形,餅皮非常適合抹上芝士或者其它食材。今次除咗芝士外,仲加上雞肉,軟綿綿嘅芝士令口感更細滑,雞肉沾上墨西哥香料,味道微辣但唔會嗆喉。 Salmon Burrito Bowl (HKD52) 本身唔係捲餅(Wrap),但成份同捲餅好相似,區別在於無咗最外面既薄餅,而係將內裡餡料直接倒喺個碗入面。感覺比較似沙律或者拌飯。今次嘅主材料係蛋白質豐富嘅三文魚,加埋其他蔬菜配料,係女士午餐嘅好選擇。 Chicken Wings (HKD8/1, HKD32/4, HKD52/8) 唔好以為係日常住家自製嘅煎雞翼咁簡單。佢加上咗墨西哥特色醬料,味道酸甜,層次感十足,一定要試試! Kombucha (HKD40) 康普茶係一種名叫紅茶菌氣泡茶飲嘅健康飲料,飲起來微甜,而且帶有少少果味。聽店員講紅茶菌嘅功用好多,包括幫助消化,促進新陳代謝等等,頭先食咗咁多野,飲依個飲品就啱晒啦! Healthy Chicken 地址:鰂魚涌海光街10號地下D8號舖             中環威靈頓街87號群英商業大廈地下A2舖 電話:2682 8609 (鰂魚涌分店) ...

0

【日本金賞極級拉麵】麵屋黑琥

中環係一個好神奇既地方,主街道上工商業大廈臨立,帶給人一些冷冰冰既感覺,但冷冰冰既背後,總有一些溫情小店處處,小編聽說有一間日本過江龍以半拉麵店半居酒屋路線,本身佢既拉麵係日本「屢獲殊榮」,而且難能可貴既係你可以係依度感受日本傳統居酒屋既風味。  從木製既窗口望出去,兩個和風大燈籠高掛在店外,猶於置身在日本街道內既小店般。 廚房採用開放式設計,讓食客同廚師多了一份親切既交流。 黑琥拉麵(HKD80) 貴為日本拉麵大賽金賞得獎拉麵,湯頭濃郁不在話下,叉燒選用半肥瘦,再加上大蔥,層次感增加,最後驚喜係菠菜,菠菜減去一種肥膩感,頓時清新。 黑琥拉麵MAX(HKD100) 相信各位男士應該對黑琥拉麵既份量有啲意見,好似普通都未必食得飽,唔緊要,MAX既份量比一般1.5倍,材料比一般多了一塊叉燒,一隻糖心蛋同筍條。糖心蛋黃呈啫喱狀,筍條用料講究,本身小編鐘意食硬既麵,所以合乎我心目中既喜好。 鐘意辣既人士絕對唔可以錯過以下菜式,赤琥拉麵(HKD80) 既配料加上豆腐,豆腐沾上辣汁,軟滑口感直入喉嚨,不過食唔到辣既野絕對小心,辣既程度可見一班。 食素食既人好多時選擇不多,又唔知去邊度食好?黑琥係依方面就有貼心既一面,總為素食人士而設既日式素食塩味湯拉麵(HKD85),湯頭清淡,再加上大量蔬菜,爽脆口感但不失傳統味道。 雖然貴為得獎拉麵店,但同時又敢於創新,新推出和風柚子冷麵(HKD90),冷麵加上大量沙律菜,原片柚子取代其他醬料,清新可人,絕對係拉麵以外既好選擇。 既然佢係以居酒屋既名義,當然小食伴酒係唔少得,炸雞球(HKD35)外脆內嫩,咬落去多汁,叫多杯啤酒,絕對三五知己聚一聚既好選擇。 麵屋黑琥 地址:中環士丹利街50號信誠廣場地下B店舖 電話:3520 3008

0

【必食潮流素食!】Dickson Yoga Vegetarian Kitchen

香港人注重健康已經成為大潮流,不過,部份人認為多做運動便可以保持身體健康,但是,多做運動都未必足夠,良好既飲食習慣都必須要注重,一般上班族午餐多油多份量,食完之後都係坐辦公室,都比較難以消化,下班如果想做運動的話,再食一個完全的晚餐,對很多人來說,份量有點兒太多,顧見及此,Dickson Yoga Vegetarian Kitchen 為運動人士而設既素食餐單,無論運動前後都可以進食,食完又唔會有太多罪惡感,原因係運動後食野比較容易吸收,盡量避免食太肥膩既食物,所以相對上清淡既素食比較容易消化。 廚房採用半開放式廚房,而採用顏色鮮艷的設計,令顧客都會有一種心曠神怡既感覺。 餐桌椅均有梳化位同獨立電視,希望顧客用餐期間都有舒適既享受。 行政總廚Steven覺得普遍人都會認為健康同味道會成為反比,健康既食物味道一定會無咁可口,但係佢起碼透過自己既創意同能力,讓大家知道健康素食,依然可以美味可口,適合所有人品嚐。 此外,最近佢仲講到藜麥同奇雅子都係健康既大潮流,藜麥(Quinoa)含豐富蛋白質、八種人體必須氨基酸、鐵質、維他命B、鎂及纖維等。此外,藜麥與三文魚同樣擁有豐富奧米加3,可降低血壓和膽固醇,對維持心血管和心臟的健康很有幫助。奇雅子(Chia seeds)常吃可以明顯的降低體重,緩解三高症狀。它營養全面,含量豐富,尤其是膳食纖維。膳食纖維可以縮短消化時間,減少腸道對這些脂類的吸收,並可以與膽汁結合,減少膽固醇的重吸收,從而降低血脂,保護人類心腦血管。 所以Steven用依個兩種食物作為主材料,創作左幾款健康又好食既菜式、甜品及飲品供顧客選擇。 有機藜麥淮山小米粥(每日精選套餐 HKD 75,包括湯+沙律+主菜) 作為運動前的輕食既好選擇,除左淮山,甜蕃薯都可以增加飽肚感,露荀卻令口感增加,食落去味道有層次,沒有太清淡既感覺,而粥更容易令人體更易消化同吸收,提供能量,最後當然加左主角藜麥上去,希望取代肉類補充人體所需蛋白質。 金栗炒穀飯(HKD65) 除左金栗之外,還有粟米、牛油果,辣椒,水果等等,本身炒飯選橄欖油炒,既油炒氣但同時顧及健康,而且炒飯粒粒分明,盡顯大廚功架,炒飯內加入水果實屬罕見,廚師用意是用水果減低炒飯既油膩感,最後一個心思係,炒飯飯底選用十穀米,十穀米選用紅米、黑米、糙米等等,相比白飯,後期加工較少,絕對係健康男士飽肚之選。   紅菜頭藜麥鮮果沙律(HKD78) 如果男士之選係炒飯,女士應該係沙律,因為女士唔想吸收太多澱粉質而變肥,廚師略見心思,因為未必所有人喜歡紅菜頭質感,佢特地將佢切成小塊,更易入口,而水果太多選用較酸既水果,因為內裡含有高度鹼性,防癌絕對好有用,汁料方面絕對講究,選用高級果醋,令沙律既食物保持應有既原味。        奇雅子五青汁(HKD33) 本身五青汁內青蘋果,青瓜,涼瓜,青椒,西芹已經含有大量纖維,幫助腸道健康,加上奇雅子降低血壓,幫助大飽一頓既人士清清腸胃。 芝麻雪糕雜果窩夫令大家心裡都有疑惑,雪糕同窩夫都可以健康?答案係YES! 本身窩夫用左藜麥,蛋為主材料,加上使用菜油取代牛油和低糖。而芝麻雪糕係自家制,本身雪糕零糖,而雪糕甜味是源自新鮮香蕉,佢混入左雪糕內,異常合拍,加上新鮮水果,食起上來沒有罪惡感。 仲有仲有,優惠益大家,由即日起至9月30號,現凡惠顧滿HKD180 (須於同一帳單內),即送有機素菜大板燒或精選甜品拼盤(3款) Dickson Yoga Vegetarian Kitchen (尖沙咀分店) 地址:尖沙咀東麼地道66號尖沙咀中心地庫LG02A 電話:21382999

0

【超強挑戰!全蒜宴】Mad for Garlic

韓潮強勁,進駐香港不少商場,但講到噱頭勁,小編還是被這間在韓國已經出晒名嘅蒜頭主題餐廳Mad for Garlic吸引!餐廳以韓風意大利菜做主打,由前菜、麵包、主菜,到甜品都以蒜為主,係重口味的爽快挑戰,就睇你受唔受得住! 餐廳沿用韓國及海外各分店的裝潢風格,以歐陸酒窖為設計靈感,全場放有不少蒜頭的裝飾物。長燈光加水泥墻都好岩情侶約會,頗有情調。 今日的主角,超強十二吋嘅薄餅面層舖滿金黃色嘅炸蒜片,製作成蝦、菠蘿、炸蒜片MFG招牌意大利薄餅(HKD108)!而餅底用韓國麵粉搓製,上菜時會再加好多芝士,正因為芝士飄落來好似落雪,所以叫Garlic Snowing Pizza。小編平時都鍾意食蒜頭,炸蒜片夠卜卜脆,中間再以蝦粒同菠蘿塊點綴,入口更爽脆甜美,趁熱吃更正,小編同朋友去食,兩個食完都再追住食! 如果唔食得辣就要注意啦!兩隻辣椒炮製而成的招牌蒜片墨西哥辣椒炒意粉(HKD88),味道是酸酸辣辣,開胃重口味,睇下敢唔敢挑戰全蒜宴! 特飲選擇都算多,飲MFG檸檬特飲(HKD36)岩晒調和食蒜的味道。 抖一抖,再食過!期待的MFG特色蒜蓉包塔(HKD48)黎啦,有餐廳哥哥仔幫手cut開,巧妙地一開為六!法包裡面有超級多蒜頭,仲有紅椒粉調味,味道濃郁,兼帶點辛辣,包身仲夠暖又香脆鬆化,必食! 繼續再挑戰!MFG特色醃漬蒜頭炒韓國牛油飯(HKD132)上枱,待應將巨量炸蒜片倒落飯,令人食指大動! 今次到炸蒜片、醃漬蒜頭!一樣蒜頭,有不同整法,證明韓國人到底有多愛蒜!蒜片色澤靚,夠爽脆,雖然食完好熱氣但撈飯更加停唔到口! 繼續都係重口味,香辣三重奏海鮮意粉(HKD108),材料有青口、大蝦、八爪魚,已經蒜味濃的小編,食到無晒其他味覺啦!不過海鮮夠新鮮大份,都係另一選擇! 開放式廚房有意國feel,仲見到廚師們非常專注! 蒜BB味道真係好濃烈,隔住個mon都聞到! Mad for Garlic 地址:銅鑼灣時代廣場食通天11樓 1104 店 電話:3752 2880