Tagged: yogurt

0

Food 食物 / Health 懶健康貼士

【營養師解剖五大冰品 100%水果棒健康度滿分】懶健康貼士

每個屋企嘅雪櫃到咗夏天一定有雪糕、雪葩或者雪條呢類冰品。雖然食得多凍嘢對身體唔好，但真係熱到好難頂，惟有揀質素好啲嘅冰品啦。註冊營養師Moses比較咗市面唔同製法嘅冰品，話你知邊種製作方法健康啲！   傳統美式雪糕(American Style Ice Cream) | 健康程度: 1 星 傳統美式雪糕嘅基本材料係奶油、牛奶同糖。呢啲係製造雪糕好重要嘅材料，因為牛奶同奶油嘅脂肪可以穩定雪糕嘅結構，令雪糕更加香甜同滑身。不過同時亦增加唔少熱量，而且奶油同牛油屬飽和脂肪，攝取過多會增加患心血管疾病嘅風險。 建議： 買之前先睇營養標籤，盡量選擇較低脂或少糖嘅牌子。 食迷你版雪糕控制分量，例如Dreyer’s Collection Mini一枝約137卡路里。   乳酪雪糕 (Frozen Yogurt Ice Cream) | 健康程度: 2 星 雖然聽落去乳酪雪糕好似比傳統雪糕健康，但唔好跌入呢個陷阱呀！因為乳酪雪糕用較多脫脂奶品，所以總脂肪比傳統雪糕較低，但係糖份會偏高，屬高糖食物。以一茶匙5克糖計算，每100毫升裡面已經有高達4茶匙糖份，導致熱量都偏高㗎。   雪葩 (Sorbet) | 健康程度: 3 星...

0

Food 食物 / Health 懶健康貼士 / Hong Kong 香港

【真假Greek Yogurt點樣分？ 睇吓唔同牌子邊個呃你】懶健康貼士

乳酪(Yogurt)一直係女士大愛食品，因為大家都認為佢夠健康，低脂又對腸道好，唔少人減肥都會食佢添。咁對近年流行嘅希臘乳酪(Greek Yogurt)你又了解幾多呢？同希臘式乳酪(Greek Style Yogurt)又有咩分別呢？依家就帶大家了解吓啦！ 乳酪係喺牛奶中添加乳酸菌，再發酵製成，容易消化又係有益嘅高鈣食品。當中嘅益生菌被人體吸收之後，可以幫助排出腸道垃圾嚟排毒。而為咗令「低脂低卡」嘅普通乳酪更好味，大部分乳酪會添加糖或香精，甚至食用色素，所以買嘅時候要睇清楚營養呀！俾個概念大家，飲一罐330ml可樂就已經攝取35g糖(每100ml/10.6g糖分)，分分鐘連食幾杯乳酪已經等於飲咗罐可樂。 普通乳酪vs希臘式乳酪vs希臘乳酪有咩分別？ 普通乳酪多數用低脂牛奶製成，有啲會用「基因改造」牛奶或加水，比較流質，鈣含量相對最低。 希臘式乳酪通常用低脂牛奶，再加入其他牛奶元素、澱粉質或糖，模仿希臘乳酪好濃嘅質地。澱粉質同糖含量相對較高，而且冇益生菌。 優質嘅希臘乳酪會用真正牛奶，蛋白質同鈣質含量相對最高，鈉含量最低。質地最杰身，飽肚感最強。 睇名要睇真啲，”style”或「希臘式」字眼未必喺包裝正面寫，有時會隱藏喺包裝背後。我哋抽咗幾款一般超過市場常見嘅乳酪，同大家一齊睇真啲： (下列產品名跟價錢牌顯示) Emmi 嘅特級特純乳酪(Yogurt Plain)同特級希臘零脂乳酪(Greek Style Yogurt – Natural)係後者勝出！相對之下，後者嘅蛋白質(Protein)比前者double，高達每100g有10g；但鈉(Sodium)就高少少；糖(Sugars)大家差唔多。特級希臘零脂乳酪仲係零脂肪同膽固醇(Cholesterol)。 雀巢最多款式，我哋揀咗其中三款比較下： 純乳酪甜味(Dairy Farm Sweetened Natural Yogurt)：成份以水為主，無真正牛奶成分。標明高鈣(Calcium)低脂嘅佢真係三款中最高鈣同最低脂。 希臘蘋果肉桂乳酪(Greek Low Fat Yogurt – Apple Cinnamon)：包裝正面隱瞞”Style”字眼，佢嘅「低脂」只係比純乳酪甜味高少少，但係糖分係三款中嘅冠軍囉……食多幾杯的話，分分鐘糖攝影取量多過大樽裝可樂。 希臘式乳酪(Greek Style Yogurt)：最呃人係呢款！雖然價錢牌有寫明，但包裝正面隱瞞”Style”字眼。蛋白質含量最低，每100g只有3.3g；最高脂肪量之餘，仲有反式脂肪；糖分就係三款中最低。...

0

Dessert 甜品 / Food 食物 / Hong Kong 香港

【得意趣怪雪糕蛋糕】HeyYO!!

食雪糕食來食去嗰幾隻味，食到悶悶地？不如試下自己D.I.Y.乳酪雪糕啦！HeyYO!!有多種口味嘅乳酪同Toppings比你任意挑選，想食啱自己心水嘅味道話都無咁易啦！除咗乳酪雪糕之外，仲有多種得意造型嘅蛋糕任你慢慢揀添！ 嚟到HeyYO!!當然要試試佢地嘅乳酪(HKD18/100g)啦！有專人控制品質，食得夠晒安心！加上無論係乳酪嘅口味抑或Toppings都夠晒多元化，五花八門嘅Toppings完全由你話事，想落咩就落咩，一定啱晒你口味！仲會不定期有乳酪新口味推出添！ 除咗乳酪之外，仲有好多款造型好可愛嘅雪糕蛋糕(1磅)(HKD268.8)比你帶返屋企！每款雪糕蛋糕外形都好得意趣怪，可以揀嘅味道亦都有少少分別，但係唔駛擔心，可以揀嘅口味平均都有十幾樣，實有一種啱味啱晒你！ 就好似仲夏之熊同冰河小企鵝都有多種口味可以選擇，包括：草莓天使、甘栗碎杏仁、石板街、雲尼拿曲奇、香脆朱古力、士多啤梨、菠蘿綿花糖、香蕉曲奇、泡沫咖啡碎朱古力、焦糖咖啡曲奇、荔枝雪果、蜜桃乳酪雪糕、薄荷碎朱古力、忌廉曲奇、意大利朱古力同埋意大利雲尼拿。 無論你揀咩口味都好，上面嘅得意公仔都係一樣細緻又得意，想點呃like就點呃like，大人細路收到都咁開心！除咗可以相機食先之外，雪糕蛋糕仲非常幼滑又香甜，而且密度比較高，唔會充滿空氣，食兩啖就無晒！如果太多種味道唔知點揀好，不妨叫多幾個朋友仔一齊食。加大蛋糕，每磅加(HKD130)，2磅或以上仲可以揀1-2款味道，咁就可以要多一款味道唔駛諗得咁辛苦啦！雪糕蛋糕仲不定期推出期間限定嘅趣怪款式添！ 除咗雪糕蛋糕之外，仲有忌廉蛋糕㗎！鍾意食芒果或者拿破崙嘅朋友一定要試下(4″)芒果拿破崙(HKD138)，表層堆滿切粒芒果已經夠晒香噴噴，下面再以忌廉圍邊，食落芒果鮮甜度頓時倍增！切開一件件食落去，拿破崙脆脆地再配埋鮮滑芒果，每啖口感都好豐富又香甜脆口！ 如果想試獨特口味可以選擇(4″)朱古力曲奇芝士蛋糕(HKD138)，蛋糕外形似足一塊巨形朱古力曲奇，非常得意。表層仲有曲奇同士多啤梨作裝飾，鍾意食曲奇餅嘅朋友又點忍得口！蛋糕入口鬆化，每啖都滲出濃香朱古力曲奇味道，再加埋芝士質感更幼滑，但係一啲都唔膩！ 分店資料如下： HeyYO!! Frozen Yogurt 九龍區分店： 地址：觀塘觀塘道418號創紀之城五期(apm)地下高層UC45舖 電話：3422 8645 營業時間：星期一至日：11:00-22:00 HeyYO!! Frozen Yogurt 香港區分店： 地址：銅鑼灣告士打道311號皇室堡地庫B71號舖 電話：3583 2065 營業時間：星期一至日：11:00-23:00 HeyYO!! Frozen Yogurt 新界區分店： 地址：沙田港鐵沙田站大堂38號舖 電話：2608 9113 營業時間：星期一至日：11:00 – 23:00...

Follow: